A Deputación da Coruña ponlle o ramo ás Xornadas Malas Linguas cunha cuarta sesión que leva por título “Lingua e xéneros”, na que o fío condutor será o debate sobre a necesaria complementariedade entre as políticas lingüísticas e de xénero. Esta última xornada terá lugar o 12 de abril de 2019 no Pazo Provincial (A Coruña). Podes inscribirte de balde cubrindo este formulario. Se non asistiches ás sesións anteriores, tes ao teu dispor todos os vídeos das intervencións accesibles en Youtube.
21/03/2019. CURSOS E CONGRESOS
20/03/2019. DINAMIZACIóN
Chega a novena edición do Festival Audiovisual Escolar Olloboi, organizado pola Asociación Olloboi e dirixido a alumnado, profesorado e PAS de centros escolares de todos os niveis educativos (primaria, secundaria, bacharelato, formación profesional, universidade, escolas audiovisuais). Tamén poderán participar centros educativos de formación non regrada sempre e cando os traballos involucren a alumnado. Poden presentarse ao certame videocreacións (documental ou ficción) realizadas nos últimos tres anos, accesibles en Internet, de temática libre e cunha duración non superior aos 20 minutos. Se o precisas, na sección do seu web “Aprendo con Olloboi” atoparás diferentes recursos didácticos sobre as diferentes fases do proceso cinematográfico. O prazo para inscribir as propostas remata o 30 de abril. Podes consultar as bases completas premendo aquí.
18/03/2019. DINAMIZACIóN
Ante a proximidade do inicio da “Campaña da Renda 2018”, que comeza o vindeiro 2 de abril de 2019, a Asociación de Funcionarios para a Normalización Lingüística presenta a iniciativa “Eu declaro [a renda] en galego. É lóxico. Por dereito”, que ten como obxectivo concienciar os/as contribuíntes para que escollan o galego cando presenten a súa declaración da renda. Os promotores da campaña queren que a cidadanía tome conciencia da importancia de exercer os seus dereitos lingüísticos ante a Administración, pois os dereitos que non se exercen están en maior risco de perderse. Podes manterte ao día de todas as novidades da iniciativa na súa páxina de Facebook.
15/03/2019. OUTRAS
O Consello da Cultura Galega, a Secretaría Xeral de Política Lingüística, a Real Academia Galega de Ciencias, a Real Academia Galega e o grupo de investigación da USC CienciaNOSA presentaron a versión en galego da táboa periódica dos elementos, co gallo da conmemoración do 150 aniversario da súa publicación. Ademais da versión dixital, dispoñible na rede para a súa descarga, tamén se distribuirá entre a comunidade científica e educativa unha tiraxe de 13.000 exemplares en formato físico. Para obter máis información sobre esta iniciativa, preme aquí.
15/03/2019. DINAMIZACIóN
A Deputación da Coruña convoca unha nova edición do concurso musical “Quero Cantar”, coa intención de fomentar o uso da lingua galega, así como a creatividade poética e musical. O certame está dirixido a solistas ou grupos musicais de ámbito galego, formados por rapaces e rapazas de ata 16 anos, que interpreten unha composición en galego con letra e música orixinais e inéditas. Establécense dúas categorías, segundo a idade dos participantes. Os cinco primeiros clasificados de cada categoría terán a oportunidade de gravar a súa canción en estudio, que será incluída nun CD colectivo. Os tres primeiros clasificados de cada categoría recibirán tamén como premio material musical e/ou produtos culturais en galego. O prazo para a presentación de solicitudes remata o 15 de outubro de 2019, ás 14:00 h. Para ampliar esta información, preme aquí.
14/03/2019. CURSOS E CONGRESOS
Chega unha nova edición dos Encontros para a Normalización Lingüística, que nesta ocasión terá como fío condutor a divulgación científica en lingua galega. Convidámoste a que participes neste foro de debate e reflexión que terá lugar os días 4 e 5 de abril de 2019 na Cidade da Cultura de Galicia (Auditorio Xosé Neira Vilas). Igual ca en anos anteriores, volveremos destinar un espazo propio á presentación de iniciativas normalizadoras na Artesa 2019, a nosa mostra de recursos. Tamén manteremos un grupo de Facebook, que nos permitirá compartir información e iniciar o debate antes das sesións presenciais. A inscrición realizarase exclusivamente a través do formulario habilitado para este efecto e as prazas cubriranse por estrita orde de inscrición.
14/03/2019. DINAMIZACIóN
O Departamento de Lingua Galega do Concello de Santiago de Compostela presenta a actividade Tardes Xogantinas, unha iniciativa de lecer e socialización en galego dirixida a nenos e nenas de 3 a 6 anos, que se desenvolve no marco do Proxecto Apego. As actividades, guiadas por Xandobela, terán lugar todos os mércores ata o 26 de xuño, en horario de 18:00 a 19:30 horas, no Espazo Educativo e de Lecer María Miramontes (As Fontiñas). Para ampliar información, preme aquí.
14/03/2019. AXUDAS E PREMIOS
A Unidade Técnica de Normalización Lingüística da Deputación da Coruña convoca o X Premio “Rosalía de Castro” de Lingua 2019, que ten como obxectivo recoñecer o traballo de persoas, colectivos, asociacións ou entidades que destaquen polo seu compromiso coa promoción e dignificación do noso patrimonio lingüístico. Establécense dúas categorías, unha para recoñecer o labor de promoción da lingua galega de persoas, colectivos ou asociacións, e outra para premiar o traballo específico cos sectores da infancia e a mocidade. A dotación económica do premio é de 3.000 euros para cada unha das categorías. O prazo de presentación das candidaturas remata o 30 de maio.
13/03/2019. OUTRAS
O Servizo de Normalización Lingüística da Universidade de Santiago de Compostela presenta unha colección de
suplementos temáticos para correctores ortográficos, que permiten ampliar o dicionario xeral que usa por defecto o corrector e engadir terminoloxía técnica centrada nunha determinada área de especialidade. A colección bota a andar cos dicionarios personalizados para as áreas de economía e empresa e de dereito, e irase completando cos dos restantes ámbitos. Os suplementos temáticos da USC funcionan en contornas Windows, Linux e macOS (Apple). O SNL da USC tamén elaborou un breve vídeo titorial para facilitar as tarefas de instalación.
suplementos temáticos para correctores ortográficos, que permiten ampliar o dicionario xeral que usa por defecto o corrector e engadir terminoloxía técnica centrada nunha determinada área de especialidade. A colección bota a andar cos dicionarios personalizados para as áreas de economía e empresa e de dereito, e irase completando cos dos restantes ámbitos. Os suplementos temáticos da USC funcionan en contornas Windows, Linux e macOS (Apple). O SNL da USC tamén elaborou un breve vídeo titorial para facilitar as tarefas de instalación.
13/03/2019. AXUDAS E PREMIOS
No marco das XI Xornadas Martín Sarmiento, que tiveron lugar o pasado 11 de marzo, presentouse o II Premio Morales para a Promoción da Lingua Galega no Bierzo e Sanabria, promovido por Edicións Positivas, o Grupo As Médulas para a Lingua e Cultura Galegas do Bierzo, A Xunta de Galicia, a Junta de Castilla y León, o Consejo Comarcal de El Bierzo, O Instituto de Estudios Bercianos, a Real Academia Galega e os concellos de Corullón e Lubián. O premio está dirixido ao alumnado do “Programa de Promoción da Lingua Galega no Bierzo e Sanabria” (categorías A e B); e ao alumnado de galego e portugués da Escola Oficial de Idiomas de Ponferrada e á poboación adulta do Bierzo e Sanabria (categoría C). Os/as participantes deben elaborar unha ilustración ou creación literaria a partir do poema “O fiandón da aldea”, de Antonio Fernández Morales. O prazo para a presentación de traballos remata o 15 de outubro de 2019. As obras premiadas serán recollidas nunha publicación. O acto de entrega dos premios terá lugar o 30 de novembro en Corullón.
11/03/2019. EMPREGO
A Deputación Provincial da Coruña publica a convocatoria de bolsas de investigación para o ano 2019, entre as que se inclúen dúas bolsas para investigar na área de planificación sociolingüística da lingua galega. A convocatoria está dirixida a persoas con titulación universitaria (licenciatura, diplomatura, grao ou equivalente) que residan en calquera concello da provincia da Coruña. O prazo de presentación de solicitudes remata o 5 de abril de 2019, ás 14:00 h. Para consultar o texto completo da convocatoria, preme aquí.
11/03/2019. EMPREGO
A Deputación da Coruña publica as bases da convocatoria para a cobertura de 3 prazas de profesor/a de secundaria, especialidade Lingua Galega (fucionario/a, subgrupo A1), no IES Rafael Puga Ramón. O sistema de selección será o de concurso-oposición. Os/as aspirantes deberán estar en posesión da licenciatura en Filoloxía Galega ou Filoloxía Hispánica (subsección de Galego-Portugués), ou do título de grao equivalente. O prazo de presentación de solicitudes é de 20 días naturais desde a publicación do anuncio no BOE.
11/03/2019. EMPREGO
A Consellería de Educación, Universidade e Formación Profesional publica a convocatoria do procedemento selectivo para ingreso e acceso ao corpo de profesorado de ensino secundario. Entre as prazas ofertadas inclúense 60 para a especialidade de Lingua Galega e Literatura. O proceso de selección será o de concurso-oposición. O prazo de presentación de solicitudes é de quince días hábiles computados a partir do día seguinte ao da publicación da convocatoria.
05/03/2019. CURSOS E CONGRESOS
A Comisión Cultural Martín Sarmiento, en colaboración coa Xunta de Galicia, A Junta de Castilla y León, a Real Academia Galega, o Instituto de Estudios Bercianos, o Consejo Comarcal del Bierzo, o Grupo As Médulas e os concellos de Corullón e Vilafranca do Bierzo, organizan as XI Xornadas Martín Sarmiento, que terán lugar o vindeiro 11 de marzo de 2019 e nesta edición están dedicadas aos concellos galegofalantes do Bierzo. As xornadas están deseñadas como un encontro para o intercambio de experiencias entre o alumnado dos centros adscritos ao Programa de promoción da lingua galega no Bierzo e Sanabria. No seu transcurso presentarase tamén a II edición dos Premios Morales, dirixidos a este mesmo alumnado.
04/03/2019. CURSOS E CONGRESOS
A Real Academia Galega, coa colaboración da Secretaría Xeral de Política Lingüística, o Instituto da Lingua Galega da Universidade de Santiago e a Deputación da Coruña, organiza a XXXII edición dos Cursos de verán de lingua e cultura galegas, dirixidos preferentemente a alumnado e profesorado universitario vinculado aos centros de estudos galegos do exterior, aínda que tamén están abertos a calquera persoa maior de idade de fóra de Galicia interesada no noso idioma. Os cursos, que se desenvolverán entre os días 2 e 24 de xullo de 2019, contan con diferentes niveis (elemental, medio e superior). O prazo de inscrición remata o 5 de abril de 2019.
25/02/2019. DINAMIZACIóN
A Xunta de Galicia, a Real Academia Galega, o Museo do Pobo Galego e o Consello da Cultura Galega, en colaboración con diferentes concellos, entidades culturais e empresas, presentan o programa conxunto de actividades para homenaxear a Antonio Fraguas Fraguas, persoeiro ao que se lle dedica o Día das Letras Galegas 2019. O programa inclúe exposicións, actividades musicais e audiovisuais, iniciativas de participación social (certames, contacontos, obradoiros...), actividades académicas e propostas variadas para o ámbito educativo. No que respecta ao Consello da Cultura Galega, organizará o seu tradicional Concerto das Letras, editará unha publicación conmemorativa con textos de Antonio Fraguas, programará un roteiro cultural polas terras de Cotobade e colaborará (xunto coa Xunta de Galicia e o Museo do Pobo Galego) na organización dun simposio sobre a vida e obra do autor homenaxeado.
22/02/2019. DINAMIZACIóN
Desde 2010, a Asociación de Escritores en Lingua Galega (AELG) promove que cada 24 de febreiro se conmemore o Día de Rosalía de Castro, figura clave na reivindicación e prestixio do idioma galego no século XIX, convidando á cidadanía a agasallar un libro en galego e unha flor neste día. A maiores, diferentes institucións, entidades culturais e centros de ensino do país promoven tamén actividades e actos de homenaxe. A Asociación de Escritores en Lingua Galega organizará o seu acto central o vindeiro domingo, 24 de febreiro, no Panteón de Galegos Ilustres. No web da AELG podes manterte ao día de todo o relacionado con esta celebración.
22/02/2019. DINAMIZACIóN
O Servizo de Normalización Lingüística do Concello de Pontevedra e mais a Coordinadora de Equipos de Normalización e Dinamización da Lingua Galega dos IES e CIFP de Pontevedra organizan unha nova edición do programa Ben veñas, maio, dirixido ao alumnado matriculado nos institutos públicos do concello. O alumnado ten de prazo ata o 23 de abril para participar en diferentes certames: banda deseñada, narración curta, fotografía, poesía, curtametraxe e videoclip musical. A maiores, durante os días 7, 8 e 9 de maio celebrarase no Teatro Principal a XXIII Semana Teatral, onde se amosará o traballo realizado polos grupos de teatro dos institutos ao longo do curso.
21/02/2019. OUTRAS
A UNESCO conmemora hoxe, 21 de febreiro, o Día Internacional da Lingua Materna, unha celebración instaurada en 1999 que chega á súa vixésima edición. Neste día celebramos a riqueza que supón a diversidade lingüística do planeta, con programas e actividades destinadas a preservar este patrimonio e a promover o plurilingüismo. A directora xeral da UNESCO, Audrey Azoulay, fai especial énfase este ano na súa mensaxe institucional no papel das linguas maternas como vehículo para construír a paz e fomentar o desenvolvemento sostible. Tendo en conta que este ano 2019 é o Ano Internacional das Linguas Indíxenas, a Unesco decidiu dedicar tamén esta vixésima edición do Día Internacional da Lingua Materna ás linguas indíxenas, convidando a todos os estados membros a que recoñezan e fagan efectivos os dereitos dos pobos que as falan.
20/02/2019. CURSOS E CONGRESOS
O Instituto da Lingua Galega (ILG) e o Grupo de Investigación Filoloxía e Lingüística Galega (FILGA) da Universidade de Santiago de Compostela organiza o curso Sociolingüística cuantitativa: presupostos teóricos e análise de datos no programa Goldvarb, que terá lugar os días 25, 26 e 27 de febreiro de 2019 na Sala de Conferencias do Instituto da Lingua Galega (Santiago de Compostela). O curso será impartido pola profesora Márluce Coan, da Universidade Federal do Ceará. A matrícula é gratuíta e as prazas (20) cubriranse por orde de inscrición. Podes ampliar información premendo aquí.
19/02/2019. OUTRAS
O Servizo de Normalización Lingüística da Universidade de Santiago publica no último número d´O Cartafol dixital os datos sobre usos lingüísticos na actividade docente no curso 2018-2019. En termos xerais, impártese en castelán o 73,69% das horas docentes, en galego o 22,57% e noutras linguas (inglés, portugués…) o 2,74%. No mesmo número ofrécese información detallada sobre usos lingüísticos segundo o tipo de titulación (grao, mestrado, licenciatura), ou o departamento e a categoría do persoal docente e investigador. Así mesmo, tamén podes consultar a evolución dos usos lingüísticos nos últimos anos.
19/02/2019. CURSOS E CONGRESOS
A Secretaría Xeral de Política Lingüística da Xunta de Galicia anuncia a convocatoria de cursos de lingua galega preparatorios das probas para obter os certificados Celga 1, Celga 2, Celga 3 e Celga 4, tanto na modalidade presencial como de teleformación. Estes cursos poderán ser solicitados por todas as persoas maiores de dezaseis anos ou por aquelas que os fagan no ano 2019. O prazo para a presentación das solicitudes será de 20 días naturais, contados a partir do día seguinte ao da publicación da convocatoria (corrección de erros).
18/02/2019. DINAMIZACIóN
O pasado venres, 15 de febreiro de 2019, constituíuse formalmente a Asociación de Entidades Locais pola Lingua, formada inicialmente por 15 concellos galegos: Ames, A Baña, A Coruña, Ferrol, O Grove, Moaña, Narón, Ponteceso, Pontevedra, Rianxo, Ribadeo, Rois, Santiago de Compostela, Teo e Vilagarcía. O obxectivo da entidade é desenvolver proxectos de normalización lingüística de xeito conxunto, co ánimo de acadar unha xestión máis eficaz. A asociación está aberta a novas incorporacións. O requisito para os novos concellos que desexen integrarse é desenvolver políticas de normalización lingüística e contar no organigrama cunha unidade técnica para executalas. Podes ampliar información premendo aquí.
15/02/2019. EMPREGO
A Real Academia Galega publica a convocatoria aberta de tres contratos, dous para persoal técnico de toponimia e un de lexicografía, que desenvolverán as súas tarefas no Proxecto Toponimia de Galicia. Os participantes deben posuír a Licenciatura ou Grao en Filoloxía Galega, Filoloxía Galego-Portuguesa ou titulación equivalente. Os contratos, cunha remuneración de 1.100 euros/mes, terán de duración ata o 31 de decembro de 2019, prorrogables por ata doce meses máis. O prazo para a presentación de solicitudes remata o 25 de febreiro de 2019. Para ampliar información, preme
aquí.
aquí.
15/02/2019. DINAMIZACIóN
A Secretaría Xeral de Política Lingüística e a Dirección Xeral de Xuventude, Participación e Voluntariado da Xunta de Galicia organizan unha nova edición de Lingua de namorar, un concurso en liña de mensaxes de amor en lingua galega dirixido a mozos e mozas de 14 a 35 anos. A iniciativa está deseñada para dinamizar o uso do galego nas relacións persoais e nas novas tecnoloxías, nomeadamente en Internet e na mensaxería instantánea. Outorgaranse tres premios tecnolóxicos por cada unha das categorías de idade establecidas. O prazo para enviar as mensaxes remata o 28 de febreiro de 2019.
15/02/2019. DINAMIZACIóN
A Facultade de Matemáticas da USC, en colaboración co Servizo de Normalización Lingüística da USC, organiza unha nova edición do concurso Explícoche matemáticas 2.0, co obxectivo de promover o uso do galego como medio de transmisión do coñecemento matemático, así como a creatividade do alumnado. O certame está dirixido ao alumnado das universidades públicas do Estado español, estudantes de 3º e 4º da ESO e 1º e 2º de Bacharelato e ciclos de Formación Profesional dos centros de educación secundaria de Galicia e comunidades limítrofes. Para participar cómpre realizar un vídeo, dunha duración non superior aos dous minutos e medio, onde se explique en galego un tema relacionado coas Matemáticas. Outorgarase tres premios de 200 euros, segundo a categoría. O prazo para enviar os proxectos remata o 22 de marzo de 2019.
14/02/2019. DINAMIZACIóN
Doce concellos galegos, a Deputación da Coruña e as universidades da Coruña, Santiago de Compostela e Vigo presentan a terceira edición do proxecto Youtubeir@s, un concurso de creación de vídeos que nace co obxectivo de incrementar o uso do galego na canle Youtube. O concurso, dirixido a persoas maiores de 14 anos, ten catro categorías: “Vídeo-Facermos”, para vídeo-titoriais en galego nos que se amosen saberes e procesos de elaboración; “Vídeo-Opinarmos”, para vídeos en galego nos que se expoñan opinións ou valoracións sobre un tema; “Canle”, para unha canle propia con todos os seus vídeos; e “Vídeo-Cantarmos”, para vídeos musicais. O prazo de inscrición remata o 27 de setembro de 2019. Outorgaranse diferentes premios en metálico nos que se valorará a calidade técnica, a creatividade, a calidade lingüística e a eficiencia comunicativa das pezas. Podes consultar as bases completas do concurso premendo aquí.
08/02/2019. DINAMIZACIóN
A Comisión de Normalización Lingüística da Facultade de Farmacia da USC, co apoio do Servizo de Normalización Lingüística, convoca o
IV Concurso de subtitulación de vídeos TED de Ciencias da Saúde ao galego, coa finalidade de contribuír á creación de recursos divulgativos en galego en novos soportes. O certame inclúe dúas modalidades, unha dirixida a membros da comunidade universitaria da USC que non pertenzan á comunidade TED (modalidade A) e outra destinada a membros da comunidade TED (modalidade B). Os participantes deben realizar a tradución ao galego e a subtitulación dun vídeo TED da área de saúde segundo as instrucións que se lles fornecerán. O premio está dotado con 250 euros para a modalidade A e 150 euros para a modalidade B, ademais dun diploma honorífico. O prazo para presentar os vídeos remata o 7 de abril de 2019. Podes ampliar esta nova premendo aquí.
IV Concurso de subtitulación de vídeos TED de Ciencias da Saúde ao galego, coa finalidade de contribuír á creación de recursos divulgativos en galego en novos soportes. O certame inclúe dúas modalidades, unha dirixida a membros da comunidade universitaria da USC que non pertenzan á comunidade TED (modalidade A) e outra destinada a membros da comunidade TED (modalidade B). Os participantes deben realizar a tradución ao galego e a subtitulación dun vídeo TED da área de saúde segundo as instrucións que se lles fornecerán. O premio está dotado con 250 euros para a modalidade A e 150 euros para a modalidade B, ademais dun diploma honorífico. O prazo para presentar os vídeos remata o 7 de abril de 2019. Podes ampliar esta nova premendo aquí.
07/02/2019. DINAMIZACIóN
Co gallo da declaración por parte das Nacións Unidas do ano 2019 como Ano Internacional do Sistema Periódico, a Comisión de Normalización Lingüística da Facultade de Ciencias do campus de Lugo da USC, o grupo de innovación docente CienciaNOSA e o Servizo de Normalización Lingüística da USC convocan o concurso de vídeos “O meu elemento”. A iniciativa está dirixida tanto á comunidade universitaria como ao alumnado da ESO e de 1º e 2 de bacharelato de Galicia, co ánimo de fomentar a expresión de contidos científicos en lingua galega. Os participantes deben preparar un vídeo en galego sobre un elemento químico, cuxa duración debe estar entre os 30 e os 90 segundos. Outorgaranse diferentes premios de carácter económico entre as propostas gañadoras de cada categoría. O prazo para presentar os proxectos remata o 24 de abril de 2019. Para ampliar esta nova, preme aquí.
07/02/2019. CURSOS E CONGRESOS
A Escola Galega de Administración Pública convoca cursos de formación continua para o persoal ao servizo da Administración xeral da Comunidade Autónoma de Galicia, das entidades públicas instrumentais do sector público autonómico e da Administración institucional. Entre a formación programada, ofértanse os seguintes cursos de contido lingüístico: “A calidade da redacción administrativa. Técnicas para unha boa redacción dos documentos administrativos”, “Actualización gramatical e ortográfica na lingua galega” e “Redacción de documentos técnico-xurídicos en galego”. O prazo de presentación de solicitudes remata o 15 de febreiro de 2019. Para consultar o texto completo da convocatoria, preme aquí.