O Patronato da Cultura Galega de Montevideo comeza as xestións para a realización da homenaxe a Castelao en Rianxo nunha data tan serodia como 1973. Neste caso solicitan a Alfredo Sánchez Bella, ministro de Información e Turismo, a súa autorización para realizar unha homenaxe a Castelao no seu concello natal de Rianxo. Refiren que xa anteriormente solicitaran a mesma ao concello de Rianxo pero que non tiveron resposta. Lembran que xa o 24 de agosto de 1972 na vila de Noia e en presenza do ministro da Gobernación xa tivo lugar unha homenaxe a Castelao e que incluso se fixo un selo para conmemorar o feito. Diversas asociacións culturais de emigrantes e persoeiros da cultura apoian esta iniciativa de homenaxear ao insigne escritor e artista.