Carta oficial enviada ao Gobernador civil por Agustín Sixto Seco no que se especifican todos os actos organizados para a homenaxe, tal como lle pedían na anterior misiva. Indica a data na que se celebraría, o 27 de setembro de 1975, sábado, ás 6 da tarde e as persoas que falarán: un representante do Patronato da Cultura Galega de Montevideo, como doador do busto; o presidente do Centro Gallego de Bos Aires, como presidente da Federación Mundial de las Sociedades Gallegas e o Prof. D. Ramón Otero Pedrayo «como verdadero Patriarca de nuestras Letras y amigo personal de Castelao». Pecharán o acto a Coral Cantigas e Agarimos que interpretará o himno galego.