Mercedes Acevedo emigrou co seu home a Berna (Suíza). Fixeron a viaxe en tren desde Madrid. Alí estiveron vivindo durante seis anos e traballaron xuntos nun pequeno hotel. Coma moitos emigrantes galegos da época (1967-1975), deixaron os seus fillos en Galicia, para aforrar máis cartos e con plans de voltar de maneira definitiva. Sempre estiveron moi orgullosos da boa reputación que tiñan os galegos. Os seus xefes suízos valoraban moito o seu traballo, o cal era moi satisfactorio para eles.