Xornada

Ponte…nas ondas!

  1. Inicio
  2. Eventos
  3. Xornada
  4. Encontros Monográficos co Patrimonio Cultural

Xornada. Encontros Monográficos co Patrimonio Cultural

Ponte…nas ondas!

Boas prácticas do patrimonio inmaterial

18 de abril de 2023
Tui
Xornada
Encontros Monográficos co Patrimonio Cultural

Ponte…nas ondas!

Boas prácticas do patrimonio inmaterial

18 de abril de 2023 Tui
Os Encontros Monográficos co Patrimonio Cultural son unha iniciativa levada a cabo pola Sección de Patrimonio e Bens Culturais do Consello da Cultura Galega (CCG) que comezou en novembro de 2015. Teñen como obxectivo xerar un espazo de difusión, debate, encontro e coñecemento arredor de diferentes proxectos que afectan ao patrimonio cultural, en xeral, e que moitas veces non chegan a un público amplo por diferentes motivos. Os protagonistas dos encontros son a sociedade, o elemento patrimonial, o debate e a reflexión. Os encontros centráronse ata o de agora en proxectos de arqueoloxía, rehabilitación, arquitectura, historia da arte e mesmo en enfoques interdisciplinarios, pero tamén na xestión patrimonial, na divulgación do patrimonio, na participación cidadá e incluso no conflito patrimonial (en patrimonios esquecidos e vivos, materiais e inmateriais, amigables ou conflitivos; nas políticas patrimoniais, nos encontros e des-encontros).

En 2018 puxemos en marcha o programa In Situ, que traslada a difusión e reflexión ao contexto xeográfico e social dos bens en que se centra cada encontro, para analizar in situ as realidades patrimoniais. Este programa quere contribuír a evidenciar a necesidade desa análise, pero tamén a crear outros lugares de reflexión fóra do seu habitual espazo de elaboración, a sede do CCG en Santiago de Compostela.

Este In Situ pretende valorizar e divulgar a experiencia de Ponte…nas ondas! (PNO!), que recolle os valores da Convención para a Salvagarda do Patrimonio Cultural Inmaterial, nun ano en que se está a celebrar o seu 20º aniversario. PNO! ten como obxectivos a preservación, a difusión e a transmisión deste patrimonio inmaterial común entre Galicia e Portugal a través de actividades diversas, mais tamén mediante a construción dunha rede social e institucional que busque o recoñecemento e a afirmación do patrimonio inmaterial galego-portugués no mundo. Por todo isto, en 2022 PNO! foi inscrito no Rexistro de Boas Prácticas co Patrimonio Cultural Inmaterial da UNESCO.
ASISTENCIA
A entrada é libre e gratuíta ata completar a capacidade da sala.
LUGAR
Edificio Francisco Sánchez (Área Panorámica)
Tui
MAÍS INFORMACIÓN
www.consellodacultura.gal
difusion@consellodacultura.gal
Consulta os materiais en http://consellodacultura.gal
Programa
Ponte…nas ondas!
Programa en PDF
Prensa
17-04-2023

O proxecto Ponte… nas Ondas! centra unha nova xornada do ciclo In Situ dos Encontros Monográficos co Patrimonio Cultural

Temáticas
Patrimonio Comunicación Acción exterior
Ficha técnica 
Xornada.
Encontros Monográficos co Patrimonio Cultural
Ponte…nas ondas!
Boas prácticas do patrimonio inmaterial
Cando
18 de abril de 2023
Onde
Tui
Enderezo

Edificio Francisco Sánchez (Área Panorámica)
Tui

Coordinación
Rebeca Blanco-Rotea
Santiago Veloso
Modera
María Xosé Porteiro García
Relator/a
Álvaro Campelo
Xerardo Pereiro Pérez
Santiago Veloso
Organiza
Sección de Patrimonio e Bens Culturais (CCG)
Colabora
Concello de Tui
Concello de Tui
Ponte...nas ondas!