O 23 de novembro de 1879 celebrouse unha reunión no Teatro Tacón onde se aprobou a creación do Centro Gallego de La Habana, Sociedad de Instrucción y Recreo. Días despois foi aprobado o regulamento para o funcionamento do centro e alugouse un local social. Uns anos máis tarde a entidade compraría o edificio mellorando as súas instalacións. Sería a sede oficial do Centro galego ata 1914, ano de inauguración do Palacio social actual.