A primeira pedra deste maxestuoso palacio social foi colocada o 8 de decembro de 1907. Como algo simbólico dita pedra foi trasladada expresamente desde as canteiras de Parga (Lugo). O deseño estivo a cargo do enxeñeiro belga Paul Belau e as obras foron executadas pola empresa norteamericana Purdy & Henderson. A fachada, de estilo neobarroco, de estilo recargado, contaba con numerosos balcóns e catro esculturas de mármol realizadas polo italiano Giuseppe Moretti que representan a beneficencia, a educación, a música e o teatro. Nos altos resaltan en cada esquina unha torre coroada pola figura dun anxo. As obras remataron a finais do ano 1913 e palacio foi inaugurado cunha gran festa en 1914, ano en que foron trasladadas todas as dependencias da entidade para alí.
Metadatos
Data: 00/00/1914
Tipo de material: Imaxe. Fotografía
Medidas:
Localización física: Arquivo da Emigración Galega (Consello da Cultura Galega). Cidade da Cultura, Santiago de Compostela
Notas:
Fondo: Consello da Cultura Galega. Arquivo da Emigración Galega
Entidades: Arquivo depositario:Arquivo da Emigración Galega (CCG)
