De Galicia a América: A chegada a un novo mundo:
Edificio da aduana do porto de Montevideo, ca. 1920
Os emigrantes tiñan que pasar polas instalacións aduaneiras para poder tramitar a entrada oficial no país. O procedemento era practicamente idéntico en todos os países de destino, polo que a maioría das veces xa chegaban con algunha información, facilitada polos seus coñecidos ou familiares que ían na dianteira na aventura migratoria.
