Imaxe. Fotografía

Historias de ida e volta: O exilio galego:

Florencio Delgado Gurriarán con Ramón Cabanillas Álvarez en México, ca. 1942

Florencio e Ramón eran amigos en Galicia, ambos os dous afiliados ao Partido Galeguista e exiliados no país azteca en 1939. Aquí aparecen, posando de maneira divertida, nun día de lecer.
O poeta colaborou no seu exilio con varias organizacións como a Alianza Nacional Galega, o Ateneo de Galicia en México ou O Fogar Galego; ademais, dirixiu a revista Saudade. En 1944 participou como mandatario do Partido Galeguista no pacto Galeuzca, formando parte do Consello de Galiza en México. Tras a fundación do Padroado da Cultura Galega en México, que impulsou a creación da revista Vieiros, participou na súa dirección xunto con Carlos Velo e Luís Soto. En 1963 publicou Galicia infinda e en 1981 Cantaneras. Cinco anos máis tarde saíu editado en México o seu derradeiro libro, titulado O soño dun guieiro.

• Fotografado/a:
  
  Florencio Delgado Gurriarán
• Fotografado/a:
  
  Ramón Cabanillas Álvarez
• Tipo de material: Imaxe. Fotografía
• Etiquetas:
  emigración
• Localización física:
  Arquivo da Emigración Galega do Consello da Cultura Galega
• Notas:
  Fondo: Fotografía procedente da publicación: Ricardo Gurriarán (1999): Florencio Delgado Gurriarán. Vida e obra dun poeta valdeorrés, republicano e galeguista, Sada, Ediciós do Castro
• Localizacións:
  orixe: México D. F., México;