Material
Historias de ida e volta
A Biblioteca América: o legado cultural de Gumersindo Busto
O Pazo de Fonseca, sede da Biblioteca América da Universidade de Santiago de Compostela, ca. 2000
Detalle
En 1909 Gumersindo Busto visita Santiago como delegado de Arxentina na Exposición Regional de Galicia e no Congreso de Emigración. Nesas datas contacta con diversos políticos e persoeiros da vida galega para presentar e axilizar o seu proxecto de creación da Biblioteca América. Consegue que o Ministerio de Instrución Pública promulgue unha real orde na que dá corpo legal á creación da Biblioteca e na que insta a Universidade a situala na sala de reunións do claustro universitario. O profesorado axiña se opón a esta idea e reclama ante o Ministerio coñecer a natureza e valor dos fondos que se enviarían, así como buscar outros locais máis axeitados, segundo eles. Todo este asunto provocará a demora na súa inauguración.Finalmente a maior parte dos fondos da Biblioteca América queda situada en varias salas do Pazo de Fonseca, onde tamén se atopa a Biblioteca Xeral da universidade compostelá. Este magnífico edificio renacentista foi sede universitaria dende o século XVI e hoxe en día continúa a ser centro da vida cultural e estudantil da cidade.