Castelao presentou en dúas ocasións un proxecto de Decreto de Bilingüismo escolar no Congreso dos Deputados, en 1931 e 1936, trala aprobación por parte do Goberno dun co mesmo obxectivo -aínda que de máis alcance- para Cataluña. Este documento é parte das negociacións levadas a cabo durante o intento de 1936. Castelao comunícase coa entidade autora do proxecto presentado, o Seminario de Estudos Galegos, e solicita posibles terceiras entidades que participen nos informes e discusións ao redor do proxecto. O decreto, cun nivel competencial menor que o catalán, non foi aprobado.