Xornada

Cando arde o mar

Saberes compartidos

Muros, 9 de xullo de 2022
Muros

Xornada

Cando arde o mar

Saberes compartidos

Muros, 9 de xullo de 2022 Muros

A xornada realizarase en Muros

Este proxecto do Instituto de Investigacións Mariñas, Consello Superior de Investigacións Científicas (IIM-CSIC) e o Consello da Cultura Galega (CCG), en colaboración con Culturmar, quere establecer un diálogo entre o coñecemento científico e o coñecemento tradicional e experiencial arredor da ardora, a bioluminiscencia producida pola proliferación de fitoplancto. Esta proliferación –xeralmente da especie Noctiluca scintillans, pero tamén doutras especies– está relacionada coa oceanografía e o ciclo estacional do fitoplancto, que afectan directamente á produción de recursos pesqueiros.

O fenómeno, tamén chamado ardentía, está moi presente na cultura mariñeira, e será o fío condutor dun diálogo entre o ámbito científico, explicando as bases biolóxicas, as causas e a súa relación coas actividades pesqueiras, e as denominacións que ten no noso idioma; a xente do mar, achegando o coñecemento tradicional no ámbito pesqueiro; e artistas con obra directamente conectada coa ardora ou outros fenómenos de bioluminiscencia na natureza.

O público asistente poderá observar in situ a bioluminiscencia de cultivos de microalgas, nunha instalación desenvolvida polo persoal do IEO e o IIM.