Invisibilizadas para a Medicina

Xornada

Invisibilizadas para a Medicina

Venres, 23 de setembro de 2022
Xinzo de Limia
Xornada
Xornada

Invisibilizadas para a Medicina

Venres, 23 de setembro de 2022 Xinzo de Limia
O feito de que na análise das enfermidades que se viñan considerando “femininas” se detecte a prevalencia de erros diagnósticos como estereotipos atribuídos e aceptados por profesionais médicos e da investigación científica é algo relativamente recente.

A consolidación destas ideas erróneas e sen base científica incide na discriminación das mulleres como obxecto da ciencia e como suxeito das súas conclusións e aplicacións, consolidando o descoñecemento e o estrañamento do propio corpo e os propios síntomas.

Desde o seu laboratorio no Texas Medical Center, en Houston, a neurocientífica galega Sonia Villapol confirma que o ciclo sexual e hormonal altera a eficacia dos tratamentos, polo que a maior presenza masculina nos ensaios dos medicamentos afecta a súa eficacia na poboación feminina. As súas investigacións veñen identificando diferenzas entre ambos os sexos en canto á inmunidade ou a diferentes mecanismos celulares e xenéticos.

Estamos perante un avance fundamental para combater o nesgo de xénero que confirma como única medida de análise, diagnóstico e tratamento a masculina. Xa que logo, convén acelerar este proceso de cambio, tanto na investigación científica coma na comprensión das potenciais pacientes na relación cos seus corpos e a súa saúde, para transformar as propias actitudes e poder tomar decisións con coñecemento e criterio.

Velaquí unha reflexión de conxunto sobre este anovador debate científico para o que abordamos varios exemplos notables de enfermidades non recoñecidas nas mulleres, sexa no ámbito laboral, en tratamentos para o control da natalidade, en patoloxías consideradas inexistentes ata hai pouco, ou dando a coñecer accións colectivas desde os movementos sociais que abren camiño nesta materia.

Esta actividade insírese no convenio asinado entre a institución da Valedora do Pobo e o Consello da Cultura Galega.
Programa
Temáticas
Ficha técnica
Xornada.
Invisibilizadas para a Medicina
Data
Venres, 23 de setembro de 2022
Lugar

Auditorio Municipal Ángel Cocho Ferrero
Casa da Cultura
Rúa Curros Enríquez, 17
Xinzo de Limia

Inauguración
Rosario Álvarez
Dolores Fernández Galiño
Elvira Lama Fernández
Modera
María Méndez González
María Xosé Porteiro García
Relator/a
Rosa Cerqueiro Landín
Sara González Veiga
María Sabela Landín Estévez
Fernando Lousada Arochena
Lola Rico
Colabora
Concello de Xinzo de Limia
Concello de Xinzo de Limia
Escola rural de saúde da Limia
Escola rural de saúde da Limia
Organiza
Consello da Cultura Galega
Valedora do Pobo