Materiais Seoane. Entre Galicia e Arxentina

Exposición

Materiais Seoane. Entre Galicia e Arxentina

Ate o 27 de novembro de 2022
Ciudad Autónoma de Buenos Aires
Exposición
Exposición

Materiais Seoane. Entre Galicia e Arxentina

Ate o 27 de novembro de 2022 Ciudad Autónoma de Buenos Aires
O Consello da Cultura Galega e o Ministerio de Cultura da Ciudad de Buenos Aires organizan a exposición "MATERIAIS SEOANE. ENTRE GALICIA E ARXENTINA", que poderá visitarse no Museo de Arte Español Enrique Larreta (Av. Juramento, 2291, Ciudad Autónoma de Buenos Aires) entre os días 21 de xullo e 27 de novembro de 2022.

A exposición, comisariada por Silvia Dolinko e Pablo García Martínez, presenta unha representativa selección de xilografías, óleos, cerámicas, serigrafías, obra téxtil, revistas, libros, carteis ou tapas de discos, e dá conta dos camiños e da diversidade experimental da produción de Luís Seoane.

En sintonía coa condición transatlántica da áncora cultural de Luís Seoane, esta mostra foi concibida e emprendida en diálogo entre Arxentina e Galicia, nunha posta en común de pezas procedentes de coleccións dos dous escenarios principais nos que interveu. Este percorrido, que une buscas materiais, iconografías e dispositivos despregados desde as dúas xeografías, invita a revisar historias e tramas da modernidade artística nas que Seoane foi un actor destacado.

A mostra conta coa colaboración da Xunta de Galicia, a Fundación Luís Seoane, a Embaixada de España en Arxentina, AECID, Cooperación Española, Cultura Buenos Aires e Universidad Nacional de San Martín; e co apoio de Mecenazgo Cultural, Fundación Santander e a Asociación Amigos del Museo Enrique Laterra.

A inauguración terá lugar o xoves, 21 de xullo de 2022, ás 18:00 horas.
Ficha técnica
Exposición.
Materiais Seoane. Entre Galicia e Arxentina
Data
Ate o 27 de novembro de 2022
Lugar

Museo de Arte Español Enrique Larreta
Av. Juramento, 2291
Ciudad Autónoma de Buenos Aires

Comisariado
Silvia Dolinko
Pablo García Martínez
Organiza
Consello da Cultura Galega
Ministerio de Cultura da Ciudad de Buenos Aires