Exeria, peregrina da Gallaecia tardoantiga, é a primeira escritora coñecida da nosa Historia. O profesor López Pereira danos conta do que sabemos dela e da súa famosa viaxe a Terra Santa. [+ info]
Esquecidas durante moito tempo pola historiografía, as mulleres eran as grandes descoñecidas da Antigüidade en Hispania. As novas visións sobre o pasado dan conta do papel máis activo das mulleres, de matronas a promotoras públicas e activas membros das comunidades cristiás. A profesora de Historia Antiga Henar Gallego dá conta das novidades. [+ info]
Rosario Álvarez Blanco, Rebeca Blanco Rotea, Domingo L. González Lopo, Uxía Uxía, Ramiro Vidal Carrera, Valentín Paz Andrade, Afonso Henriques, Inés de Castro
Adentrámonos na cultura do país veciño a partir de figuras como Inés de Castro, o conflito da Guerra da Restauración con Rebeca Blanco-Rotea, a emigración dos galegos a Portugal con Domingo González Lopo, Valentín Paz Andrade, os cambios lingüísticos na fronteira con Rosario Álvarez e rematamos coa cantante Uxía e as súas influencias na música portuguesa. Unha serie de Gabri Fuentes e David Gesteira coordinada por Manuel Gago. Ilustracións de Andrea López. CRÉDITOS Gravación Estudio Sete Edición Estudio Sete e Gabri Fuentes Guión e condución Gabri Fuentes e David Gesteira Colaboración Manuel Arca, Mariña Carricoba, Damián Cortés, Uxío Couto, Raquel López, Iria Ramos
Terceiro e último episodio da serie 'Castelao a carón de nós' , no que se aborda a etapa final de Castelao, coa súa presenza no exilio americano. Unha serie documental de Arraianos producións para o Consello da Cultura Galega.
Castelao escribiu relatos inspirados na tradición oral. Tres contacontos modernos: Santi Prego, Cándido Pazó e Avelino González interpretan a Castelao a cadanseu xeito e con cadansúas voces. Neste episodio, Avelino González ponlle voz a algúns desas historias.
