Fondos de Radio Nacional de España en Galicia
O Fondo de Gravacións de Radio Nacional de España en Galicia está constituído por 5.187 documentos sonoros. A maior parte das gravacións teñen lugar na década dos oitenta e dos noventa do século XX. Programas culturais, educativos ou de actualidade constitúen unha significativa parte deste conxunto que documenta a historia recente de Galicia. Neles aparecen moitas das voces máis significativas da política, da sociedade e da cultura galegas de finais do século XX. [Ler reportaxe en culturagalega.gal]O Consello da Cultura Galega ofrece agora a posibilidade de consultar a base de datos que indexa os contidos e voces deste fondo preservado no Arquivo Sonoro de Galicia. Para poder escoitar os documentos sonoros, é preciso poñerse en contacto co Arquivo Sonoro de Galicia .
0