Ramón Villares destacou “a importante contribución do labor dos emigrantes e o seu legado a prol do desenvolvemento de Galicia e da súa cultura” e expresou o recoñecemento do Consello da Cultura ao traballo que ven desenvolvendo este colexio na capital arxentina.

O Colexio “Apóstol Santiago” foi creado en 1989 por iniciativa da Xunta de Galicia e do Centro Galicia de Bos Aires e acolle e forma a estudantes de diferentes nacionalidades co valor engadido da lingua e a cultura galegas.