O xurado dos Premios Lois Peña Novo deu a coñecer os/as gañadores/as da vixésimo sétima edición destes galardóns, deseñados para animar o proceso de normalización lingüística no eido das administracións públicas, na vida institucional de Galicia e na sociedade en xeral. Nesta ocasión os/as premiados/as son o xornal dixital Gciencia, por darlle visibilidade ao galego nas redes sociais; a lingüista, guionista e presentadora Rosa Castro Legazpi, pola súa contribución á consolidación da lingua galega nos medios de comunicación; e o historiador Felipe Senén López, pola súa ampla traxectoria na defensa do patrimonio cultural de Galicia.
25/05/2023. AXUDAS E PREMIOS
24/05/2023. EMPREGO
O Concello de Vilagarcía publica as bases para a provisión dunha praza de técnico/a medio de normalización lingüística (funcionario/a, grupo A2). O proceso selectivo será o concurso-oposición. Os/as participantes deben posuír a licenciatura en Filoloxía Galego-Portuguesa, Filoloxía Galega ou Filoloxía Hispánica (subsección Galego-Portugués); o grao en Lingua Galega ou calquera outra licenciatura/grao, sempre que se dispoña do Celga 5. O prazo de presentación de solicitudes é de vinte días naturais, a partir do día seguinte ao da publicación do correspondente anuncio de convocatoria no Boletín Oficial do Estado.
Podes consultar o texto completo das bases premendo aquí.
Podes consultar o texto completo das bases premendo aquí.
24/05/2023. INVESTIGACIóN
A Asociación Internacional de Estudos Galegos (AIEG) convida a todos/as os/as docentes e investigadores/as que están ou estiveron vinculados aos Estudos Galegos en universidades no exterior a participar nunha enquisa destinada a avaliar o estado actual dos Estudos Galegos a nivel internacional. O cuestionario forma parte dun proxecto de investigación promovido pola AIEG e coordinado por Carlos Pazos-Justo, no que tamén participan María Jesús Botana Vilar, Attilio Castellucci e Takeshi Kakihara. Os resultados serán presentados nun webinario que previsiblemente se organizará o vindeiro mes de xullo. A enquisa estará accesible en liña ata o vindeiro 31 de maio de 2023.
23/05/2023. INVESTIGACIóN
Tras a publicación en 2021 de A lingua en 2050, Catro Ventos Editora presenta agora un novo volume, coordinado tamén por Fernando Ramallo, co retruque da xente moza. A lingua en futuro: a mocidade imaxina o 2050 é unha obra colectiva na que dezasete persoas novas de diferentes ámbitos (ciencia, música, tradución, xornalismo, docencia…) valoran a situación actual do idioma galego e imaxinan o seu futuro dentro de tres décadas.
O obxectivo dos dous volumes é contribuír ao debate sobre a situación sociolingüística actual e propoñer estratexias e metodoloxías de traballo que garantan un futuro próspero para o galego.
O obxectivo dos dous volumes é contribuír ao debate sobre a situación sociolingüística actual e propoñer estratexias e metodoloxías de traballo que garantan un futuro próspero para o galego.
23/05/2023. DINAMIZACIóN
A Asociación de Entidades Locais pola Lingua Galega (Alingua) estreou a pasada semana a webserie O gran reto, realizada en formato Vlog e presentada por María Rúa, tamén creadora do contido. O gran reto consiste en que tres persoas castelanfalantes (cada unha delas protagonizará un capítulo semanal) vivan 21 días en galego, superen os desafíos que se lles presenten e nos relaten a súa experiencia.
Xa podes ver en liña o primeiro capítulo: O gran reto de Darío.
Xa podes ver en liña o primeiro capítulo: O gran reto de Darío.
22/05/2023. DINAMIZACIóN
A Comisión de Normalización Lingüística da Facultade de Ciencias da USC, coa colaboración do Servizo de Normalización Lingüística, convoca a segunda edición do concurso de vídeos “Petiscos de ciencia”, dirixido a alumnado da ESO, de formación profesional e de bacharelato dos centros de ensino de Galicia. O alumnado, que poderá participar en grupos de ata tres estudantes coordinados por un docente, debe elaborar un vídeo en galego de entre 30 e 90 segundos no que se presenten petiscos ou pílulas sobre calquera tema relacionado coa ciencia. Outorgarase un primeiro premio de 200 euros e un segundo de 100. O prazo para a presentación dos traballos remata o 15 de outubro de 2023.
Para consultar as bases completas do concurso ou obter máis información sobre os trámites de inscrición, preme aquí.
Para consultar as bases completas do concurso ou obter máis información sobre os trámites de inscrición, preme aquí.
22/05/2023. CURSOS E CONGRESOS
O Servizo de Normalización Lingüística da Universidade da Coruña presenta o programa do XVI Curso de Verán sobre Dinamización Lingüística "Traballando en lingua", que organiza coa colaboración do Concello do Carballo e a Secretaría Xeral de Política Lingüística da Xunta de Galicia. Nesta edición o tema central será o fomento do uso do galego no ámbito do lecer e as sesións desenvolveranse os días 12 e 13 de xullo de 2023 no Fórum Carballo. O prazo de matrícula remata o 6 de xullo.
Na páxina web do SNL da UDC atoparás máis información sobre esta iniciativa.
Na páxina web do SNL da UDC atoparás máis información sobre esta iniciativa.
16/05/2023. INVESTIGACIóN
Alejandro Martínez Vicente, profesor asistente no Departamento de Hispanística e Estudos Ibéricos da Universidade de Zadar e responsable do Centro de Estudos Galegos desta cidade, acaba de presentar a tese de doutoramento Colocacións co verbo soporte 'dar' en galego e español mailos seus equivalentes en lingua croata.
Cunha valoración summa cum laude, esta investigación convértese nun fito para o galego nos Balcáns.
Cunha valoración summa cum laude, esta investigación convértese nun fito para o galego nos Balcáns.
16/05/2023. OUTRAS
A plataforma de música en liña Spotify acaba de incorporar o galego ás opcións idiomáticas dos seus servizos. Deste xeito, amplía a oferta ata chegar a 74 idiomas, nunha política que, nas súas palabras, busca ofrecer experiencias máis próximas a través do acceso nas linguas maternas dos usuarios e as usuarias.
15/05/2023. CURSOS E CONGRESOS
Cursos de linguaxe xurídica para o persoal da Administración de Xustiza que traballa fóra de Galicia
A Escola Galega de Administración Pública convoca, en colaboración coa Secretaría Xeral de Política Lingüística, dous cursos de linguaxe xurídica galega (un de nivel medio e outro de nivel superior) para o ano 2023, destinados ao persoal ao servizo da Administración de Xustiza que preste servizos fóra da Comunidade Autónoma de Galicia. Os cursos impartiranse na modalidade de teleformación. O prazo para presentar solicitudes estará aberto entre o 16 e o 26 de maio de 2023.
Podes consultar o texto completo da convocatoria premendo aquí.
Podes consultar o texto completo da convocatoria premendo aquí.
15/05/2023. DINAMIZACIóN
Gadis súmase un ano máis á conmemoración do Día das Letras Galegas, apostanto nesta ocasión pola ilustración gráfica en galego. O vindeiro 16 de maio en todos os supermercados Gadis de Galicia agasallarán á súa clientela cun exemplar de Tirabeque, no que doce profesionais emerxentes da ilustración e da banda deseñada nos ofrecen as súas propostas creativas arredor do campo temático da alimentación. Ese mesmo día tamén se repartirán marcapáxinas e bolsas de papel reciclado en homenaxe a Francisco Fernández del Riego, autor ao que este ano se lle dedica o Día das Letras Galegas.
Podes ampliar información sobre esta iniciativa premendo aquí.
Podes ampliar información sobre esta iniciativa premendo aquí.
12/05/2023. EMPREGO
A Consellería de Cultura, Educación, Formación Profesional e Universidades publica dúas convocatorias para cubrir once bolsas de formación e mais tres prazas en diferentes centros de estudos galegos de universidades de fóra de Galicia. En ambas as dúas convocatorias, o prazo de presentación de solicitudes é dun mes, contado a partir do día seguinte ao da súa publicación.
12/05/2023. CURSOS E CONGRESOS
O 8 de xuño de 2023 terá lugar, no Consello da Cultura Galega, a xornada O galego ante o desafío das sociedades multilingües, como parte do Foro Pensar o Mundo dende Galicia, un ciclo vinculado á celebración dos 40 anos da creación da institución.
O obxectivo desta xornada é debater sobre as posibilidades que para o idioma galego se abren nun futuro que se contempla como un contexto de profunda transformación no relativo á ecoloxía da diversidade lingüística e de reforzo do plurilingüismo.
A inscrición é gratuíta e libre ata completar o aforo, 100 persoas. Podes realizala na mesma páxina na que atoparás o programa completo.
O obxectivo desta xornada é debater sobre as posibilidades que para o idioma galego se abren nun futuro que se contempla como un contexto de profunda transformación no relativo á ecoloxía da diversidade lingüística e de reforzo do plurilingüismo.
A inscrición é gratuíta e libre ata completar o aforo, 100 persoas. Podes realizala na mesma páxina na que atoparás o programa completo.
11/05/2023. DINAMIZACIóN
O vindeiro 17 de maio, Día das Letras Galegas, ás 12:30 h, a Real Academia Galega celebrará unha sesión extraordinaria e pública dedicada a Francisco Fernández del Riego. O acto terá lugar no centro de usos múltiples Ponte de Cuñas, en Lourenzá, a vila natal do autor homenaxeado, e nel intervirán Xesús Alonso Montero, Francisco Díaz-Fierros e Margarita Ledo Andión, ademais do presidente da institución, Víctor F. Freixanes. A sesión poderá seguirse en directo desde a canle de Youtube da RAG.
Nesta mesma vila luguesa, neste caso no Museo de Arte Sacra, tamén acaba de inaugurarse a exposición Francisco Fernández del Riego. Cos ollos do seu espírito, impulsada pola Xunta de Galicia e producida pola editorial Galaxia coa colaboración da Real Academia Galega e da Fundación Penzol. A mostra, comisariada por Malós Cabrera e Malores Villanueva, consta de catorce paneis e mesas-vitrina con material gráfico e documental.
Nesta mesma vila luguesa, neste caso no Museo de Arte Sacra, tamén acaba de inaugurarse a exposición Francisco Fernández del Riego. Cos ollos do seu espírito, impulsada pola Xunta de Galicia e producida pola editorial Galaxia coa colaboración da Real Academia Galega e da Fundación Penzol. A mostra, comisariada por Malós Cabrera e Malores Villanueva, consta de catorce paneis e mesas-vitrina con material gráfico e documental.
11/05/2023. CURSOS E CONGRESOS
Do 21 ao 23 de xuño de 2023, a Facultade de Filoloxía e Tradución da Universidade de Vigo será a sede do IX Congreso Internacional de Fonética Experimental. Como obxectivo, esta edición pretende agrupar investigadores, teóricos e profesionais dunha gran variedade de disciplinas, que aborden temas relacionados coa sociofonética; psicolingüística e fonética acústica; adquisición de primeiras e segundas linguas; tecnoloxías da fala...
O prazo de inscrición remata o 15 de maio.
O prazo de inscrición remata o 15 de maio.
11/05/2023. EMPREGO
O Concello de Vigo publica a convocatoria pública, aberta a outras administracións, para a provisión con carácter temporal e urxente, en comisión de servizos, do posto de xefe/a de normalización lingüística (funcionario/a A1). Os solicitantes deben posuír a condición de funcionario/a de carreira e estar en posesión do grao en Estudos de Galego e Español; en Lingua e Literatura Galegas; en Galego e Portugués ou licenciaturas equivalentes, ou calquera outro grao ou licenciatura da área de coñecemento de humanidades ou ciencias sociais e xurídicas, sempre que se estea en posesión do certificado de lingua galega do nivel 5 (Celga 5). Así mesmo, deben contar cun informe favorable da Administración de orixe co compromiso de autorización da comisión de servizos do empregado/a público. O sistema de provisión será o concurso. O prazo para presentar as solicitudes é de 5 días hábiles contados dende o día seguinte ao de publicación do anuncio da convocatoria no Boletín Oficial da Provincia.
10/05/2023. LEXISLACIóN
O Parlamento Europeo acaba de facer pública a súa resolución sobre a aplicación da Directiva de Servizos de Comunicación Audiovisual, onde entre outras cousas, subliña “a importancia de facilitar a accesibilidade (dobraxe, subtítulos, audiodescrición e outros) en todas as linguas do territorio no que se presta o servizo de comunicación audiovisual”, ao tempo que “pide que se redobren os esforzos para difundir as obras europeas que representan toda a diversidade lingüística europea, tendo en conta tanto as linguas oficiais como as rexionais e minoritarias”.
Esta resolución apróbase días despois de que representantes da Mesa pola Normalización Lingüística, da Asociación Galega de Produtoras Independentes (AGAPI) e mais do Grupo de Estudos Audiovisuais da USC participasen no intergrupo de linguas do Parlamento Europeo para trasladar as demandas da Iniciativa polo audivisual en galego.
Esta resolución apróbase días despois de que representantes da Mesa pola Normalización Lingüística, da Asociación Galega de Produtoras Independentes (AGAPI) e mais do Grupo de Estudos Audiovisuais da USC participasen no intergrupo de linguas do Parlamento Europeo para trasladar as demandas da Iniciativa polo audivisual en galego.
10/05/2023. OUTRAS
O Consello da Cultura Galega incorpora ao Álbum de Galicia a entrada de Ánxel Fole (Lugo, 1903 – Lugo, 1986), cun texto biográfico asinado por Armando Requeixo. “Mestre da literatura fantástica, o teatro humorístico e o articulismo literario”, a Real Academia Galega recoñeceu a súa entrega á lingua e á cultura galegas dedicándolle en 1997 o Día das Letras Galegas.
Acompañando ao texto biográfico presentamos tamén outros recursos documentais (galería fotográfica, documentos de interese, recursos en liña...), que axudan a debuxar a figura “deste mestre lucense do relato”.
Acompañando ao texto biográfico presentamos tamén outros recursos documentais (galería fotográfica, documentos de interese, recursos en liña...), que axudan a debuxar a figura “deste mestre lucense do relato”.
09/05/2023. DINAMIZACIóN
O 20 de marzo de 1963 os académicos Francisco Fernández del Riego, Manuel Gómez Román e Xesús Ferro Couselo presentan unha proposta ao plenario da Real Academia Galega para que se instaure unha “xornada oficialmente adicada a honrar ós nosos libros”, que se celebraría o 17 de maio de cada ano, cadrando coa publicación de Cantares Gallegos.
Neste ano no que se cumpre o 60 aniversario da celebración do Día das Letras Galegas, a Real Academia Galega presenta na súa páxina web unha fotogalería que dá testemuño destas seis décadas dunha celebración que traspasou as fronteiras institucionais e académicas para converterse, co apoio da sociedade civil, nunha gran reivindicación colectiva da lingua e cultura galegas.
Neste ano no que se cumpre o 60 aniversario da celebración do Día das Letras Galegas, a Real Academia Galega presenta na súa páxina web unha fotogalería que dá testemuño destas seis décadas dunha celebración que traspasou as fronteiras institucionais e académicas para converterse, co apoio da sociedade civil, nunha gran reivindicación colectiva da lingua e cultura galegas.
09/05/2023. INVESTIGACIóN
O Servizo de Normalización Lingüística da Universidade de Santiago de Compostela e a Comisión de Normalización Lingüística da Facultade de Dereito presentan o volume Termos esenciais de dereito procesual, autoría de Cristina Alonso Salgado, Ana Rodríguez Álvarez e Xusto Rodríguez Río. Trátase dun glosario bilingüe (galego-español) que recolle máis de 1000 conceptos do ámbito do dereito procesual, procedentes de catro grandes bloques temáticos: organización xudicial, proceso penal, proceso civil e métodos alternativos de resolución de conflitos.
Na Libraría Dixital da USC podes adquir a edición en papel deste volume, ou descargalo de balde en formato PDF.
Na Libraría Dixital da USC podes adquir a edición en papel deste volume, ou descargalo de balde en formato PDF.
05/05/2023. DINAMIZACIóN
A Consellería de Cultura, Educación, Formación Profesional e Universidades e a Asociación Galega de Produtoras Independentes (Agapi) están a desenvolver o programa Educa Audiovisual, a través do que poñen ao dispor dos centros de educación secundaria un catálogo de 14 filmes e series para usar na aula como apoio didáctico aos contidos curriculares, así como unha serie de coloquios complementarios con profesionais do sector. O obxectivo do programa é proporcionarlle ao profesorado recursos audiovisuais de calidade e en galego, para que poidan traballar co seu alumnado contidos relacionados coa lingua, a memoria e o territorio. Ademais do uso libre do catálogo, os centros interesados en acoller un coloquio con profesionais do sector poden enviar a súa solicitude ao correo agapimpulsa@agapi.gal.
Se precisas máis información sobre esta iniciativa, preme aquí.
Se precisas máis información sobre esta iniciativa, preme aquí.
05/05/2023. DINAMIZACIóN
O vindeiro 17 de maio celébrase o Día das Letras Galegas e mais o Día de Internet e con este dobre motivo, a Asociación de Medios en Galego, Dinahosting e PuntoGal organizan conxuntamente a campaña “Subscríbete ao galego”, que ten como obxectivo fomentar o uso do galego na rede e apoiar os medios de comunicación que usan o noso idioma. No marco desta iniciativa, todas as persoas que se fagan subscritoras entre o 17 e o 31 de maio dalgún dos medios en galego participantes na campaña obterán de balde un dominio .gal e mais o aloxamento para o seu sitio web durante un ano.
Podes ampliar información premendo aquí.
Podes ampliar información premendo aquí.
05/05/2023. OUTRAS
No Día Mundial da Lingua Portuguesa, que se conmemora cada 5 de maio, o Consello da Cultura Galega difunde en liña a copia dixital de noventa e unha cartas enviadas polo filólogo portugués Manuel Rodrigues Lapa ao intelectual galego Ramón Piñeiro entre o 18 de maio de 1953 e o 22 de febreiro de 1978, cuxos orixinais están custodiados na Fundación Penzol en Vigo. Proximamente difundiranse tamén as cartas enviadas por Ramón Piñeiro ao seu interlocutor, custodiadas na mesma fundación. A colección epistolar preséntase acompañada por un texto de contextualización autoría de Henrique Monteagudo, que sinala a estreita relación entre o grupo galeguista organizado ao redor da Editorial Galaxia e o filólogo portugués, que actuou como “orientador sobre cuestións filolóxicas, especialmente as referidas á lírica trobadoresca e en xeral á literatura medieval”.
04/05/2023. DINAMIZACIóN
Un ano máis o Consello da Cultura Galega organiza o seu xa tradicional Concerto das Letras Galegas, que nesta décimo terceira edición terá lugar o 16 de maio de 2023, ás 20:30 h, no Teatro Afundación de Vigo. O programa musical xira arredor da figura homenaxeada nas Letras Galegas 2023, Francisco Fernández del Riego, e será interpretado pola Real Filharmonía de Galicia e o Coro de Cámara Rías Baixas. Como xa é habitual, estrearase unha peza, que neste caso será a Sinfonietta, composta por Brais González Pérez (Vigo, 1987) a partir de dous poemas de Salvador García Bodaño e Xaime Isla Couto dedicados a Francisco Fernández del Riego.
Para asistir presencialmente debes reservar a entrada, que é libre e gratuíta, en Ataquilla.com. O concerto tamén poderá seguirse en directo a través do web do Consello da Cultura Galega e ao día seguinte, 17 de maio, emitirase na segunda canle da TVG.
Para asistir presencialmente debes reservar a entrada, que é libre e gratuíta, en Ataquilla.com. O concerto tamén poderá seguirse en directo a través do web do Consello da Cultura Galega e ao día seguinte, 17 de maio, emitirase na segunda canle da TVG.
04/05/2023. DINAMIZACIóN
A cooperativa Feiraco, en colaboración coa Secretaría Xeral de Política Lingüística da Xunta de Galicia, organiza o "Certame de relatos breves Feiraco. Letras Galegas 2023”, co obxectivo de promover o coñecemento, o uso e a divulgación do idioma galego entre a comunicade educativa. Poderá participar no certame o alumnado de 5º e 6º de primaria e de 1º e 2º de ESO matriculados nos centros educativos de Galicia. Os participantes deben remitir un relato breve, dunha cara DIN A4 como máximo, orixinal do autor ou autora, escrito en galego. A temática é libre, co único condicionante de que a historia aconteza na Galicia do futuro. O/a autor/a do relato gañador en cada unha das categorías será obsequiado/a cunha mochila de vaca Feiraco e mais cunha excursión a unha granxa da empresa, que gozará con toda a súa clase. Tamén haberá premios para os finalistas de cada centro e para as mil primeiras persoas participantes.
O prazo de presentación dos traballos remata o 16 de maio de 2023.
O prazo de presentación dos traballos remata o 16 de maio de 2023.
04/05/2023. OUTRAS
Xa podes ver en liña as dez pezas audiovisuais que conforman o proxecto Criando lingua, elaborado por Xurdir Producións ao abeiro do Fondo Xacobeo 2021-2022 para o repositorio “TCRedes en galego”. O documental trata o tema da transmisión da lingua galega a través da experiencia concreta de cinco familias de diversa natureza que tomaron a decisión de criaren os seus fillos en galego.
03/05/2023. OUTRAS
No marco do seu programa de actividades de conmemoración das Letras Galegas, o Consello da Cultura Galega (CCG) presenta a edición facsimilar do conto Na espera do amigo de Francisco Fernández del Riego, publicado orixinalmente por Aguatinta (1994). A obra preséntase acompañada de catro estudos complementarios (autoría de Román Pereiro, Xosé López, Carlos L. Bernárdez e Betriz Liz) e mais dunha introdución da presidenta do CCG, Rosario Álvarez.
Para obter máis información, preme aquí.
Para obter máis información, preme aquí.
03/05/2023. DINAMIZACIóN
Xurdir, coa colaboración da Secretaría Xeral de Política Lingüística, organiza a IX Carreira Camiño das Letras, que vai ter lugar o 17 de maio de 2023 en Santiago de Compostela, co obxectivo de conmemorar o Día das Letras Galegas a través da práctica deportiva, sumando ao mesmo tempo o simbolismo do Camiño de Santiago.
A carreira constará de dúas probas absolutas (de 15 e 5 km) na que poderán participar atletas federados e non federados (estes últimos correrán coa licenza de día da Federación Galega de Atletismo). A maiores, organizaranse tamén carreiras para as distintas categorías infantís e xuvenís (de sub6 a sub16). Todos os participantes recibirán un libro de agasallo e mais o diploma Camiño das Letras.
Para ampliar información sobre o regulamento das probas e mais os trámites de inscrición, preme aquí.
A carreira constará de dúas probas absolutas (de 15 e 5 km) na que poderán participar atletas federados e non federados (estes últimos correrán coa licenza de día da Federación Galega de Atletismo). A maiores, organizaranse tamén carreiras para as distintas categorías infantís e xuvenís (de sub6 a sub16). Todos os participantes recibirán un libro de agasallo e mais o diploma Camiño das Letras.
Para ampliar información sobre o regulamento das probas e mais os trámites de inscrición, preme aquí.
28/04/2023. AXUDAS E PREMIOS
A Facultade de Filoloxía e o Servizo de Normalización Lingüística da UDC convocan o XI Premio de Tradución para o Galego, dirixido ao estudantado da Universidade da Coruña.
Os textos traducidos, a partir dun conxunto de obras orixinais indicadas nas bases, poderán remitirse a secretaria.decanato.filoloxia@udc.gal ata o 29 de setembro de 2023. Máis información na convocatoria do premio.
Os textos traducidos, a partir dun conxunto de obras orixinais indicadas nas bases, poderán remitirse a secretaria.decanato.filoloxia@udc.gal ata o 29 de setembro de 2023. Máis información na convocatoria do premio.
28/04/2023. AXUDAS E PREMIOS
A Área de Normalización Lingüística do Concello de Cabanas vén de anunciar as bases do IV Certame de Poesía e Microrrelato, un concurso literario que se enmarca na programación do Día das Letras Galegas e busca fomentar o uso e o prestixio da lingua galega a través da expresión artística e a creatividade.
As obras, inéditas e en lingua galega, deben dirixirse a normalizacion@cabanas.gal ata o 14 de maio. Consulta a convocatoria completa e o formulario de inscrición.
As obras, inéditas e en lingua galega, deben dirixirse a normalizacion@cabanas.gal ata o 14 de maio. Consulta a convocatoria completa e o formulario de inscrición.