Ánxel Fole
Lugo, 11/ 8/1903 - Lugo, 9/5/1986Autoría: Armando Requeixo
Mestre da narrativa fantástica, o teatro humorístico e o articulismo literario
Con cinco anos Fole marchou da vivenda do Campo Castelo para ir vivir á Casa de Orbán, na parroquia lucense de Fingoi, casarío con ampla facenda que seu pai construíra aproveitando o solar dunha antiga torre preto do Miño. Aos oito anos volveu á cidade, onde se estableceu nunha casa da Rúa Aguirre e, xa con dezasete anos, el e a súa familia trasladáronse ao Carril dos Loureiros, a unha casa propiedade do pintor Corredoira.
As primeiras letras aprendeullas a Fole un tío seu na casa de Fingoi, pero a formación propiamente regrada adquiriuna na escola dos P. Maristas, no Seminario e no Instituto de Lugo, onde se fixo —con certo retraso e alternando a matrícula oficial coa libre— bacharel aos vinte e catro anos. Foi alí onde coñeceu a Álvaro Cunqueiro, co que pronto trabou unha amizade que habería de durarlle toda a vida. Segundo confesión do escritor mindoniense, entrambos idearon daquela unha revista escolar, hoxe perdida, na que deron a coñecer os seus primeiros escritos.
En 1924 Fole fixo o servizo militar en Lugo. Ao remate, marchou estudar primeiro á Universidade de Valladolid, logo á de Madrid e finalmente á de Santiago, onde se matriculou en Filosofía e Letras, estudos que nunca chegou a acabar, pois ben pronto pasou a dedicar todos os seus esforzos á escrita xornalística e literaria.
En 1928 publicou o primeiro artigo no xornal lugués La Provincia, que versou sobre o centenario de Góngora, escrito ao que pronto seguiu outro sobre Rafael Alberti. Estas colaboracións alternaron con outras que, por ese mesmo tempo, comezou a dar a coñecer en El Progreso.
En Compostela permaneceu Fole dende 1929 ata 1933 e foi alí onde se consolidou a súa andaina literaria. Nestes catro anos viviu a fondo o ambiente festivo e cultural santiagués, que compartiu co seu amigo dende os tempos do instituto e agora compañeiro de pensión Álvaro Cunqueiro. E foi alí tamén onde asistiu a faladoiros intelectuais como os do Café Suízo ou o Derby, onde compartiu horas e saberes con moitos outros grandes persoeiros da literatura e das artes do pasado século, como Rafael Dieste, Luís Seoane ou Francisco Fernández del Riego, entre outros.
Paralelamente aproveitou as súas estadías luguesas para asistir aos faladoiros que alí comezaron a agromar e asemade participou nos actos culturais que o movemento galeguista organizou naqueles primeiros anos da Segunda República. Así, logo de pasar por outras organizacións, afiliouse ao Partido Galeguista en 1935, comezando unha etapa de forte activismo político que se plasmou na súa participación en cabeceiras como os semanarios ¡Ahora! e Guión (1931) ou a revista Yunque (1932-1934). Outras colaboracións súas de interese nesta época foron as enviadas ao xornal vigués El Pueblo Gallego, a coordinación do décimo número da revista Resol e o que ía ser o primeiro libro do escritor, o volume de contos Auga lizgaira, do que se perderon as probas de imprenta no prelo da Editorial Nós coa chegada da Guerra Civil, polo que tan só ficaron del tres mostras, dúas publicadas na revista Nós («Eu i-o meu corazón. Elexía, ao xeito romántego» e «Idilio na Insua») e outra que avanzara no amentado El Pueblo Gallego («Trebonada na Penedía»).
O estourido da Guerra Civil acabou cos ingresos que percibía como colaborador dos medios e rematou tamén co seu desempeño como axudante bibliotecario, correspondente da Axencia Febus e docente na Academia Akademos. As estreiteces económicas fixeron que aceptase o emprego de preceptor dos fillos da familia Quiroga, o que o levou a marchar en 1941 ao concello homónimo, onde esta familia tiña propiedades na Veiguiña. Alí e no próximo concello do Incio, no que tamén pasou longas tempadas, entrou Fole en contacto co vizoso universo rural que informou decisivamente a súa narrativa posterior.
En 1953 regresou a Lugo e veu publicado o primeiro libro de relatos, que escribira en Quiroga. Trátase de Á lús do candil, ao que pronto seguiu un novo libro de contos nacido das súas andainas por terras do Incio: Terra brava (1955).
No Lugo dos cincuenta e sesenta Fole reencontrouse con vellos amigos de antes da guerra e con algún outro novo tamén, como Celestino Fernández de la Vega. Frecuentou os faladoiros da cafetería do Hotel Méndez Núñez, o Lugo Bar, o Café Madrid, o Cantón Bar e o Café Monterrey, e era habitual atopalo na xerencia do Cine España, onde traballaba seu irmán Salvador, amais de na redacción de El Progreso, auténtico segundo fogar para o escritor dende que principiou a traballar nel como redactor en 1957, labor que xa nunca abandonou.
En 1958 publicou a peza de teatro Pauto do demo (1958). Concibida por Fole como un divertimento escénico, como un xoguete dramático sen máis pretensión que a de entreter coa parodia de tipos e o cómico de situacións e diálogos, nela dáse unha particular aliaxe entre, por unha banda, os elementos propiamente dramáticos, e, por outra, certas constantes narrativas e determinantes influencias fílmicas. Todo sempre baixo o criterio da funcionalidade, do didactismo, pois o propio autor desexaba que o seu texto se recibise como un teatro para representar, sen necesidade de profesionalismos, “pra facer teatro os rapaces e nenos”; é dicir, un teatro sobre o pobo, do pobo e para o pobo, un teatro popular.
O día de San Froilán de 1963 Fole ingresou na Real Academia Galega co discurso Castelao i-a tradición galeguista. Era xa entón unha voz imprescindible da literatura galega, como recoñeceron os amigos que organizaron para el unha gran homenaxe en Vigo en febreiro de 1964.
Esta consideración de clásico en vida aínda se afianzou máis na década dos setenta. Precisamente en maio de 1970 comezou a dirixir o histórico suplemento «Táboa Redonda» de El Progreso. Pouco despois, en 1972, publicou en opúsculo o conto ¿E decímolo ou non-o decimos? e, un ano máis tarde, o seu terceiro libro de relatos, Contos da néboa.
Coa proximidade e chegada da Democracia as distincións en recoñecemento da súa traxectoria literaria sucedéronse. En 1975 foi nomeado Membro de Honor da Asociación de Prensa de Lugo; un ano despois foi distinguido como Fillo Predilecto da Cidade de Lugo; en 1977 a Fundación Barrié de la Maza concedeulle unha pensión vitalicia; ao ano seguinte recibiu o Pedrón de Ouro; en 1979 foi designado Persoeiro Lucense do ano; o Concello de Lugo dedicoulle unha rúa en maio de 1981; a Asociación de Escritores en Lingua Galega fíxoo Presidente Honorífico e presentou a súa candidatura ao Nobel en 1983; e, en 1985, púxoselle o seu nome a un instituto lucense, dedicóuselle a V Semana Bibliográfica das Linguas Ibéricas en Lugo e recibiu a Medalla Castelao.
Por estes anos foron aparecendo tamén os seus últimos traballos. Amais de gran número de prólogos, textos para volumes colectivos e traducións, viu luz agora o seu derradeiro libro de relatos, Historias que ninguén cre, publicado en 1981, o mesmo ano en que saíu do prelo Cartafolio de Lugo, volume onde recompilou varias ducias de artigos en castelán que foran léndose na prensa lucense ao longo de máis de cincuenta anos.
Pouco máis tarde, en 1984, publicou algúns novos contos no libro colectivo Medusa e, ao ano seguinte, un novo opúsculo contendo o relato O conto de nunca acabar.
Non tivo tempo a máis, pois faleceu na madrugada do 9 de maio de 1986 en Lugo, a cidade na que viviu practicamente toda a vida e á que tanto amou e literaturizou.
Secasí, ficou para a eternidade a súa escrita e o seu exemplo na entrega á lingua e á cultura de noso, o que lle foi recoñecido en 1997 coa dedicatoria do Día das Letras Galegas.
Escritor nos xornais e poeta ocasional, tanto en galego coma en castelán, amais de dramaturgo, Ánxel Fole pasou á historia da literatura principalmente pola contística reunida na tetraloxía Á lús do candil (1953), Terra brava (1955), Contos da néboa (1973) e Historias que ninguén cre (1981).
Se cadra o trazo caracterizador que mellor define os contos do autor é o da súa ambientación misteriosa, da inserción nas súas historias de sucesos paranormais ou parapsicolóxicos que, moitas veces, se erixen en verdadeiros leitmotivs dos relatos. Tendo isto presente, unha parte importante da súa narrativa pode definirse como fantástica (non marabillosa), pois integra elementos extra-ordinarios que non poden explicarse nunha lectura realista por canto tales elementos pertencen ao terreo do irreal, do non fáctico, do non experienciable, do non empírico (aparacións e premonicións, alucinacións e telepatías, meigallos e feiticerías de bruxas, meigas, sabias, menciñeiros e compostores, supersticións varias, arrepiantes maleficios e desconcertantes presencias demoníacas).
Mais a narrativa de Fole (que xoga coa estrutura enmarcada nos dous primeiros libros e ten ben presente decote os trazos do contar de tradición oral) non se esgota con esta vertente do fantástico, senón que tamén se enriquece coa presenza de relatos humorísticos, policial-detectivescos e de aventuras e aínda de suceso anecdótico. Doutra parte, temas como os da paisaxe (considerada como suprema categoría estética polo autor), a música (como signo identitario diferencial), o idioma (tanto nas vertentes da arqueoloxía lingüística coma da conciencia sociolingüística ou do pseudocientifismo etimolóxico), a metaliteratura (con abondosas citas e homenaxes ás literaturas galega, española, anglófona, francesa ou rusa), o humor (baixo a fórmula de comicidade burlesca ou sátira mordaz), a muller (como secundaria de luxo) ou o amor (na modulación dun romanticismo sublimado) son outros tantos asuntos ben presentes na obra deste mestre lucense do relato.
Obra en galego
Á lús do candil (1953)
Terra brava (1955)
Pauto do demo (1958)
¿E decímolo ou non o decimos? (1972)
Contos da néboa (1973)
Historias que ninguén cre (1981)
Cartafolio de Lugo (1981)
«Contos-lóstrego”. En AA.VV.: Medusa. Relatos (1984)
O conto de nunca acabar (1985)
Obra Galega Completa (3 vols., 1996)
Bibliografía
Alonso Girgado, Luís; Requeixo, Armando (1997): Ánxel Fole e Á lús do candil. Vigo: Nigra.
Casares, Carlos (1996): A vida de Ánxel Fole. Vigo: Galaxia.
Cora, Xosé de (ed.) (1997): Diccionario de Fole. A Coruña: Fundación Pedro Barrié de la Maza.
Requeixo, Armando (1996): Ánxel Fole. Aproximación temática á súa obra en galego. Vigo: Edicións do Cumio.
Rodríguez Fer, Claudio (1981): A Galicia misteriosa de Ánxel Fole. Sada: Ediciós do Castro.
Rodríguez Fer, Claudio (1997): Ánxel Fole. Vida e obra. Vigo: Xerais.
VV.AA. (1986): Os escritores lucenses arredor de Ánxel Fole. Lugo: Concello de Lugo.
VV. AA. (1987): «Especial Ánxel Fole e Celestino Fernández de la Vega”, Grial, 95.
VV. AA. (1997): Ánxel Fole (1903-1986). Unha fotobiografía. Vigo: Xerais.
VV. AA. (1997): Ánxel Fole. Día das Letras Galegas 1997. Santiago de Compostela: Xunta de Galicia.
VV. AA. (1997): Ánxel Fole. Especial A Nosa Terra. A Nosa Cultura, 17.
VV. AA. (1997): O mundo lucense de Ánxel Fole. Lugo: Sargadelos.
Como citar: Requeixo, Armando : Ánxel Fole. Publicado o 8/5/2023 no Álbum de Galicia (Consello da Cultura Galega) http://consellodacultura.gal/album-de-galicia/detalle.php?persoa=1477. Recuperado o 02/10/2023
DOCUMENTACIÓN DE
Discurso de ingreso na Real Academia Galega
Fole Sánchez, Ánxel; Martínez-Risco Macías, Sebastián (2015): Castelao i a tradición galeguista. Discurso lido o día 5 de outubro de 1963 no acto da súa recepción, polo ilustrísimo señor don Ánxel Fole Sánchez e resposta do excelentísimo señor don Sebastián Martínez-Risco Macías. A Coruña: Real Academia Galega.
Fonte: Real Academia Galega
https://publicacions.academia.gal/index.php/rag/catalog/view/293/289/230 [2023-03-23]
«Eu i-o meu corazón. Elexía, ao xeito romántego»: relato publicado en Nós que ía formar parte do libro desaparecido Auga lizgaira
Fole, Ánxel: «Eu i-o meu corazón. Elexía, ao xeito romántego», Nós, 133 (15 de xaneiro de 1935), 10-11.
Fonte: Galiciana - Arquivo Dixital de Galicia.
http://biblioteca.galiciana.gal/gl/catalogo_imagenes/grupo.do?path=1157144&posicion=12&presentacion=pagina [2023-03-23]
Primeiro artigo de Ánxel Fole, publicado en 1928 no xornal La Provincia
Fole, Ánxel: «Reflexiones en torno al centenario de Góngora», La Provincia (17 de xaneiro de 1928).
Fonte: Galiciana – Arquivo Dixital de Galicia
https://biblioteca.galiciana.gal/gl/publicaciones/numeros_por_mes.do?idPublicacion=5707&anyo=1928 [2023-03-23]
DOCUMENTACIÓN SOBRE
Caderno multilingüe sobre a vida e obra de Ánxel Fole elaborado por Xosé Miranda
Miranda, Xosé (2009): Ánxel Fole. Vida e obra. A Coruña: Asociación de Escritoras e Escritores en Lingua Galega.
Fonte: Asociación de Escritoras e Escritores en Lingua Galega
https://www.aelg.gal/centro-documentacion/autores-as/anxel-fole/paratextos/2911/anxel-fole-vida-e-obra-versions-deustch-espanol-english-franais-italiano [2023-03-22]
Ligazóns de interese
Revista Yunque
Edición facsimilar: Alonso Girgado, Luís; Moreda Leirado, Marisa e Vilariño Suárez, María (eds.) (2006): Yunque: periódico de vanguardia política: (1931-1932). Lugo: 1931-1932. Santiago de Compostela: Xunta de Galicia, Centro Ramón Piñeiro para a Investigación en Humanidades.
Fonte: https://www.cirp.es/publicacions/pub-0212.html [Consulta: 2023-03-22]
51 páxinas das nosas Letras
Catálogo da exposición organizada polo Parlamento de Galicia en 2013 para conmemorar o 50 aniversario do Día das Letras Galegas
Fonte: Parlamento de Galicia
https://www.parlamentodegalicia.es/sitios/web/Publicacions/51%20paxinas%20das%20nosas%20letras.pdf [consulta: 2022-12-30]
Biografía de Ánxel Fole. Día das Letras Galegas 1997
Peza emitida na TVG o 17 de maio de 1997 [1´ 53´´]
Fonte: Televisión de Galicia
https://pasouoquepasou.crtvg.gal/content/biografia-de-anxel-fole [2023-03-22]
Curtametraxe sobre o conto «O tesouro» (Á lús do candil, 1953)
Peza dirixida e realizada por Xaime Fandiño e emitida na TVG o 17 de maio de 1997 [40´ 16´´]
Fonte: Televisión de Galicia
http://www.crtvg.es/cultural/especiais/o-tesouro [2023-03-22]
Relato «O corpo do delito» (Terra brava, 1955)
Fonte: Biblioteca Virtual Galega
https://bvg.udc.es [2023-03-22]
Revista Resol
Edición facsimilar: Alonso Girgado, Luís (dir.) (1997): Resol. Galicia (1932-1936), Bos Aires (1937-1938), Galicia (1990). Santiago de Compostela: Xunta de Galicia, Centro Ramón Piñeiro para a Investigación en Humanidades.
Fonte: https://www.cirp.es/publicacions/pub-0028.html [2023-03-22]
Epístolas de
Carta de Fole a Seoane. 1953
12-Enero-53
Sr. D. Luis Seoane
Aqui tienes a un viejo amigo que resucita. Ángel Fole te envía un fuerte abrazo. Por el amigo Farruco sabía frecuentemente noticias tuyas. También he visto en la revista Semana, de aqui, una foto donde aparecias tú hablando con Picasso. ¡Gran emoción para mi! Al instante, te vi y me vi en Santiago hablando con el gran Maside sobre cualquier tema pictórico. Ya sé de tu magnífica labor literaria y artística. Y saco la consecuencia de su ejemplar continuidad. Celebro tus éxitos como mios.
Y ahora te preguntaré por algunos amigos comunes... ¿Qué hacen Arturo Cuadrado y Lorenzo Varela? ¿Seguis reunidos en el bar Armoriña. Excuso decirte que tengo gran interés en saber noticias de estos inolvidables amigos. De Jose Mª Domínguez no sé nada, en absoluto. Creo que está en Inglaterra. De vez en cuando, me llega alguna noticia de Tobío, de Bal y Gay, de López Durá...
Yo, llevo ya cinco años viviendo en el campo. De aqui saco mis asuntos para mi modesta labor literaria. Actualmente radico en Quiroga, no sé por cuánto tiempo. Antes he vivido un año en Incio. Ya había vivido en Terra Chá. Voy alguna vez a Lugo. Desde “entonces” no he estado en Santiago, pero si en La Coruña y en Vigo. Me carteo con frecuencia con Del Riego y otros escritores viejos amigos.
¿Qué es de tu tío Mosquera, el de Arca? Cuando estaba en Lugo, por el 37, hablaba todos los días con él.
Sé de tus gestiones en mi favor, por lo cual te envío las mas sinceras gracias. He recibido carta del amigo Emilio Pita. En ella me dice que tú –vosotros– habéis conseguido que se paguen las colaboraciones literarias de la revista del C. Gallego. Pues bien, amigo mío, me veo obligado a solicitar una. En este sentido, las cosas marchan muy mal para mi. Cualquier ayuda me vendría muy bien dicho con la ruda franqueza que dicta la necesidad.
Y te ruego que des las gracias en mi nombre a los señores del Centro que han tenido la atención de comunicarme el fallo del jurado sobre mi libro. Creo que tú lo has leido. ¿Y qué te parecio? Se editará pronto, inmediatamente después del de Castelao Os vellos non deben namorarse.
Y por Dios, que me conteste pronto.
Un fuerte abrazo de tu viejo amigo
Ángel Fole
Cine España
Lugo
Carta de Fole a Seoane. 1953
4 de febrero 1953
Mi querido amigo:
Con posterioridad a mi envío de una carta por avión, he recibido dos cuadernos tuyos de dibujos y poemas, editados por Ánxel Casal. Al mismo tiempo que las gracias, te envío mi cordialísima felicitación. Dibujos y poemas están muy bien. Los guardo como oro en paño.
En mi carta anterior, entre otras muchas cosas, te decía que me interesaba obtener ahí alguna colaboración pagada. Dadas las lamentables condiciones económicas de mi vida, me veo obligado a hacer esta petición.
¿Anda por ahí el amigo Laxeiro?
Esperando tu contestación, recibe un gran abrazo de tu viejo amigo
Ángel Fole.
Cine España
Lugo
Carta de Seoane a Fole. 1953
Buenos Aires, 27 de febrero de 1953
Sr. D.
Angel Fole
Lugo
Querido Fole:
Al fin tenemos noticias directas, Cuadrado, Varela y yo de tí. Hasta hace pocos años habíamos supuesto lo peor, pero hace tres o cuatro alguien nos dijo que estabas en una aldea de Lugo sin concretarnos en cual y hace algún tiempo le pedí a Del Riego tu dirección, que me mandó. Un poco antes había leído un artículo tuyo sobre Corredoira en un diario de esa que por casualidad cayó en mis manos. Por casualidad, como vienen de ahí a ésta los diarios, la publicaciones, las noticias, todo. Me alegró que fuese una persona de nuestra generación el que escribiese sobre un pintor de una generación pasada, ya que la del pintor no hablaba de él y lo había abandonado en el olvido, me alegró además que lo hicieses como tu lo hiciste. Luego, el año pasado, leí tu libro de narraciones en el concurso del Centro Gallego, un magnífico libro con un espléndido prólogo, sin arqueología, sin cortesías, sin el LAUS DEO aburrido, sin la estúpida fuga existencialista que está dominando a algunas gentes nuestras de ahí. Con una realidad humana y mítica gallega de siempre, bien campesina. De nosotros no sé que decirte, trabajamos todo lo que podemos. En un momento, algunos años, coincidimos en ésta Dieste, Espasandín, Colmeiro, Cuadrado, Varela y yo. Luego Dieste marchó a Cambridge y ahora está en Monterrey (Méjico). Espasandín está en Pensylvania, Colmeiro en Francia y Cuadrado, Varela y yo continuamos en ésta pero pensando siempre en marchar no sabemos a dónde. Todos, solo estaríamos con gusto ahí. Por mi parte pinté y pinto mucho, dibujo, escribo, sin que nada de cuanto hago, bueno o malo, pueda tener el calor inmediato del pueblo al que destino todo lo que realizo, y Varela y Cuadrado escriben. Esto es todo. Hace años publiqué un libro de dibujos, hace creo diez años, Homenaje a la Torre de Hércules, iba dedicado a unos pocos amigos y tu eras uno de ellos. Otero Pedrayo lo recuerda ahora en Por os vieiros da saudade. Hace once o doce años incluimos una narración tuya Cuadrado y yo en un libro Veinte cuentos gallegos. Todos te recordamos siempre.
De las colaboraciones momentáneamente no hay nada en el Centro Gallego, incluso apenas sale la revista por la escasez de papel y hasta fin de este año no se puede proponer nada nuevo que no esté incluído en el presupuesto actual. Pero Cuadro por medio de un amigo trató de conseguirte unas colaboraciones en La Prensa de aquí pero las prefieren sobre cine español en general. De cualquier manera tendrías que mandar dos o tres artículos rápidamente. Tambien sobre cine podríamos conseguir que te encargasen algunas colaboraciones en una revista Orientación. Para alguna publicación de la colectividad puedes mandar ya, a mi directamente seis artículos en gallego por los que te harán llegar tres mil pesetas aproximadamente, y es probable que más adelante, en junio quizás, se pueda conseguir una corresponsalía para el boletín del Centro Lucense, teniendo tu que mandar como hace Del Riego para la revista del Centro Gallego, una información mensual de las actividades de la provincia de Lugo. Esto es todo. Perdóname si demoré algunos días en contestarte. De todas maneras, quiero que sepas que tus cartas nos produjeron una gran alegría.
Recibe el gran abrazo de tu amigo:
Carta de Fole a Seoane. 1953
La Veiguiña (Quiroga)12 de marzo de 1953
Mi querido amigo:
Fue la tuya la carta que más me ha impresionado de todas las recibidas en estos últimos años. ¡Qué alegría! No sólo los años, sino también la ausencia mejoran la amistad y recuerdo la última vez que te he visto en La Coruña, con Colmeiro. Ni tú ni yo lo imaginábamos. Muchas veces he intentado dar una vuelta por ahí. Aun no renuncie. Quiero decir que aun no me he dado por vencido... Tal [vez] llegaremos a vernos tú, Cuadrado, Lorenzo y yo.
Es curioso. Lo mismo me pasaba a mí. Frecuentemente me acordaba de vosotros en mis artículos. Hace dos años, en Faro, os evocaba todos en Santiago, y a Dieste y a Colmeiro, en un trabajo titulado Despedida a medio siglo, donde rompía una lanza por aquella juventud tan animosa, como comprensiva y noble. Una fuga de sueños... Leí mi cuento, mi mal cuento, editado ahí por vosotros y también leí el recuerdo en el libro de Pedrayo. Ya sé que Farruco te escribía. Por él tenía noticias tuyas. Comprendo perfectamente lo que me dices de tu estado de ánimo. Lo mismo me ocurre a mi, quizás agravado... Desde aquí, yo hacía míos todos vuestros triunfos. Todos vosotros érais frecuente tema de nuestras conversaciones. Una vez, recibi con gran alegría, una carta de Colmeiro, que estaba en París. De quien sigo sin saber nada es de José Mª Domínguez-López.
Durá sé que está en Méjico; de Ramón Martínez, que en Cuba.
Y ahora, hablaré de mi mismo. Después del terremoto, he vivido con altos y bajos, en una pobreza que a veces era una miseria. Hace cinco años vivo en el campo. Pronto me trasladaré definitivamente a Lugo. Primero he vivido en Terra Cha o Llana; después en Incio, ahora en Quiroga. Gran paradoja: aunque tengo poco dinero, vivo bien. Esta casa de campo, “La Veiguiña”, es magnífica, con cuarto de baño, luz eléctrica, radio, etc. El paisaje es muy hermoso. Aquí me dedico a profundizar en el alma gallega: a conocer al campesino. Se trata de un verdadero viaje de estudios. Recojo vocabulario y estudio el idioma vernáculo. A veces, me pongo neurasténico como un personaje de novela rusa. En 16 años, sólo hice un viaje a La Coruña y a Vigo y otro a El Ferrol. No he vuelto a Santiago.
La censura ha aprobado mi libro de cuentos, que pronto editará Galaxia. Agradezco profundamente tus palabras de aliento. Las ocho mil pesetas y pico del premio fueron para mi una tabla de salvación. En cambio, no he tenido suerte con un libro de versos que estaba para editarse en Lugo: fue suprimida la editora, que era Xistral. Galaxia tiene otro libro mío para editar. Se trata de la farsa escénica ¡Pauto do Demo!, que creo que tiene mucha gracia y quizás acusada originalidad. Pensé en tí para ilustrarla. También Colmeiro se ha comprometido a ilustrar mi libro; pero todavía no ha vuelto de París. Ahora trabajo en una novela en gallego, que titularé Govante. Pienso enviarla al concurso del C. G. del 53. Pero en el libro que tengo más esperanzas es en Historia de don Fabulón, que es la novela de un loro. Estoy entusiasmado con el tema. Ya te escribiré sobre esto. Durante estos años, he publicado artículos en La Noche y en Faro y en Grial, donde he leído tu magnífico ensayo sobre pintura que aquí ha sido elogiadísimo.
De los nuevos valores literarios surgidos aquí estos últimos años, los más destacados son Ramón Piñeiro y Celestino F. de la Vega, ambos lucenses y amigos viejos míos, aunque más jóvenes que yo. Espero que evolucione su existencialismo. El primero habló contigo en Santiago en el 39, el 25 de julio. El segundo vivió siendo estudiante de derecho con José Mª Domínguez. Era entonces muy joven. Ambos te aprecian muchísimo.
Agradezco en el alma tus proposiciones, que acepto encantado. Pronto te enviaré ese original, el gallego y el castellano. Mi primer trabajo para la prensa será sobre Antonio Machado. También me agrada mucho llegar a ser corresponsal del Centro Lucense. En junio ya estaré en Lugo definitivamente.
Y quisiera saber noticias más concretas de Cuadrado y Varela y especialmente tuyas, o de los tres igual. A los dos y a tu hermano un gran abrazo y mi más cariñoso saludo a tus familiares. Cunha forte aperta do teu vello amigo.
Anxel
Cine España
Lugo
Carta de Fole a Seoane. 1953
Lugo, 19 oct. 53
Sr. D. Luis Seoane
Buenos Aires
Mi querido amigo:
Sé que has hablado de mí con García Sabell en ésa. También sé que has recibido mi comedia ¡Pauto do demo!.., que te he enviado en el pasado julio. Hoy te envío para la publicación de la colectividad el primero de esos seis artículos pedidos. Seguirán los otros inmediatamente. Enviaré de todo: literatura, crónicas de viajes, etc. También enviaré alguno de vez en cuando para La Prensa sobre temas literarios. Ya lo pensaré.
Vive aquí, en Lugo, mi querido amigo Angel Johan, a quien tú conoces de sobra por referencias. Creo que le has enviado tus libros. Es un viejo compañero de letras de nuestros viejos tiempos. Su situación es análoga a la mía. Como tú sabes, además de un excelente pintor es un meritísimo escritor. Necesita ayuda. Con el máximo interés, te pido que le proporciones colaboración pagada. Escribe en gallego tan bien como en castellano.
Aquí han estado los del Centro Lucense, Antonio Núñez y Juan Fernández. Hablamos mucho de ti. Me dejaron encargado de la colaboración y corresponsalía de la revista. Angel Johan trabaja conmigo. Me explicaron sus proyectos. Muy bien.
Mi libro A luz do candil ha obtenido un gran éxito de venta y crítica. Parece que se está agotando. Quizás fuese el libro gallego que más se haya vendido, y aun sin quizás. Se han publicado muchos artículos sobre él, casi todos muy laudatorios.
Si has escrito algo sobre él –y otros–, envíamelo. Debes enviarme también Galicia.
Enviaré este año una novela al concurso del Centro. Ya te escribiré sobre esto.
Grandes abrazos a todos, y a ti especialmente.
Angel Fole
Apartado 37
Carta de Fole a Seoane. 1954
Santiago, 8 de octubre de 1954
Mi querido Seoane:
Te escribo desde nuestro inolvidable Santiago. Estoy pasando unos días aquí invitado por los viejos amigos Garcia Sabell y Ramón Piñeiro. Hablé aqui con Paco Del Riego.
Por él te envío un artículo para Galicia Emigrante. Ya vi otro mio publicado en el n. 3. La revista gustó mucho aquí, a mi el primero. Eres hombre que sabes hacer las cosas. Aqui, en casa de Sabell y en lo de Piñeiro he visto hermosos dibujos tuyos.
Te mandaré, por indicación de Del Riego, los otros cuatro artículos. Serán mucho más interesantes.
Puedes contestarme por el amigo Castiñeiras. ¡Que nos pase la foto? ¿Qué te ha parecido esa comedia mía que te envié el año pasado? ¿Es publicable?
Por desgracia, mi situación económica es pésima. Con esto quiero decirte que te recuerdo tu última carta.
Le he escrito aparte a Cuadrado.
Un gran abrazo, con muchos recuerdos a Lorenzo Varela.
Dirección
Cine España
Lugo
Carta de Fole a Seoane. 1954
Hospital de Incio, 25 de octubre 1954
Sr. D. Luis Seoane
Mi querido amigo:
Supongo en tu poder mi carta anterior enviada por avión. Mi carta anterior y un trabajo para la publicación del Centro. Te envío el segundo. Aquí, en la aldea, no puedo disponer de máquina. Tendrás que molestarte en mecanografiarlo. Pronto te enviaré el tercero de los seis pedidos.
Me gustaría ver publicadas en ésa la comedia que te he enviado. Creo que ha salido con bastante gracia. Próximamente, se publicará en Lugo un libro de versos mío en castellano. Cancionero del Miño. Ya te lo enviaré.
Te enviaré a ti, directamente o por mediación de Del Riego, una novela para el concurso del Centro (Incius) que quisiera se titulara Govante. Si sale premiada, creo que me será posible ir a esa una temporada.
En cuanto a mi situación, sigue siendo tan dificil como antes. Mucho tendría que hablar de esto. Ojalá lo pueda hacer contigo personalmente.
La novela que he escrito es una novela “nuestra” que transcurre en el campo. Varios personajes muy preocupados, como nosotros, por las cosas de Galicia aportan su visión particular. Se plantean problemas muy nuestros, muy galleguistas.
También tengo proyectado escribir en teatro Sete sombras na solaina y A forza de castrapo.
Estoy muy contento al parecer, la rápida difusión de mi libro ha demostrado que se puede hacer una literatura en gallego para mayorías.
Un fuerte abrazo.
Apartado 37
Lugo
Conxeturamos que Sete sombras na solaina podería ser Terra Brava. Contos da Solaina
Carta de Fole a Seoane. 1954
Lugo, 30 de outubre 1954
Mi querido amigo:
Tengo un gran interés en que se publique en ésa mi comedia, como te digo en otra carta, ilustrada por ti. Quizás su técnica teatral sea floja: pero, en conjunto, es ruda, realista y graciosa. Significa, como mi libro anterior, una vuelta a la estética popular de la que se había apartado nuestra literatura. En cambio, en la pintura –en la tuya y la de otros– se aprecia esta tendencia. En los poetas de las más nuevas promociones, también. En la prosa, quizás inicie yo el movimiento. Ramón Piñeiro lo ha visto muy claro en el largo artículo que ha dedicado a mi libro en La Noche. Nuestra literatura se había hecho minoritaria y su gallego, trasegado de unos libros a otros, era un gallego que ya no se hablaba, “requintado” y falso. El éxito de mi libro demuestra que se ha iniciado un movimiento renovador de signo contrario. Sé que mi libro lo leen mucho los campesinos y los obreros. El gran interés que tengo en que se publique ahí mi comedia es, pues, transpersonal, “nuestro”.
Tengo un especialísimo interés en ver algún trabajo tuyo sobre mi libro. No sé el eco que haya tenido ahí.
Tú dirás si te debo enviar a ti mi novela para el concurso. Probablemente se titule Govante e o lema Incius. Si por fuerza de las circunstancias llegase con algún retraso, supongo que tú no estarías. Quisiera que la presentases tú y la leyeras antes. Responde a la tendencia indicada.
Te ruego que me envíes las señas de Tobío. Deseaba escribirle a ver si podía colocar en Montevideo algún artículo.
Supongo que habrás recibido dos artículos y dos cartas mías. Deseo que me envíes la revista donde se publiquen. Los del Centro Lucense te han dedicado grandes alabanzas.
Abrazos
Anxel Fole
Apartado 37
Carta de Fole a Seoane. 1970
El Progreso. Diario de Lugo/ Teléfonos: Dirección-Gerencia-Admón: 212232/Redacción y Talleres: 211055/APARTADO DE CORREOS Nº 5/TELEX: 86509
Lugo, seis de maio do ano setenta
Señor don Luis Seoane, La Coruña
Meu querido amigo:
Hoxe recibín a invitación pra inauguración de Sargadelos. Aló penso de ire o domingo. Xa vos veréi e parlicaréi con vós. Hoxe [ven] no Progreso o programa de aitos da inauguración, e remítoche un número.
Que che coste que sinto moitas ansias de ver o mural do Marqués. É algo que me intresa por moitas razós.
A loza de Sargadelos fai por eiquí moi boa impresión. A loza no novo Sargadelos. E tamén os dibuxos. Penso que podedes conseguir un bon mercado drento e fora de Galicia.
Fai moitos anos que non vou por Sargadelos, e cuasemente non me lembro como é aquelo. Mais teño a impresión que me gustóu moito. Tampouco volvín por Cervo, inque paséi moitas veces por San Ciprián istes derradeiros anos...
E qué raro me parce que nos volvamos ver, á volta de tantos anos...
Unha perta i-as miñas agarimosas lembranzas á túa dona.
A. Fole
Xa sei que o amigo Dieste estaba moi ledo na cea dos académicos. Sentín moito non podere asistir.
Carta de Fole a Seoane. 1973
El Progreso. Diario de Lugo/ Teléfonos: Dirección-Gerencia-Admón: 212232/Redacción y Talleres: 211055/APARTADO DE CORREOS Nº 5/TELEX: 86509
Lugo, 24 maio 1973
Meu querido amigo:
Estíven o outro día en Guitiriz con Alonso Montero e con Cilistro. Alí fumos sabedores de que tí ibas a inaugurar a túa esposición en Madrid e que por eso non acudiches á xuntanza. O primeiro, prégoche que me mandes un catálogo da túa esposición pra publicalo no periódico.
Vaise inaugurar un novo local na librería Alonso, a máis antiga de Lugo. O propietario pensaba de inaugurala con dibuxos de Miró. Mais decidiron que sería millor con grabados teus. A data diste acontecemento será coincidindo coas festas de San Froilán.
O Domingo que vén sairá no Progreso un capítulo do teu novo libro, que estóu aínda a lér.
A ver si cando me respostes, pódesme decir o enderezo de Maruja Mallo.
O outro día estíven en Santiago e dixéronme que voltarías a Galicia nos primeiros días do mes que ven. Ise mismo día iba en Madrid García Sabell.
Compre que respostes pronto á proposta de esposición dos grabados na librería do meu amigo Alonso.
Unha forte aperta e moitas lembranzas á túa dona.
Ánxel Fole
Carta de Seoane a Fole. 1973
A Cruña, 13 de Xunio de 1973
Sr. D. Anxel Fole
Lugo
Meu querido amigo:
Remítoche esta carta para J. S. que debe ser unha persoa moi moza e que fixo unha nota o dia 10 de este mes no voso periódico. Dalla si ti crées que val a pena. Eu penso que sí porque estoy (sic) farto de que as xentes pubriquen todo o que lle pasa pola testa e non créan que están obrigados a informarse sobre quén é quén. Tamén de que o centralismo chegue a infruenciar de tal xeito ós mozos galegos e podan pensar que Madride ten hoxe capacidade de consagración no mundo.
Deica o 18 que iremos ó estreno de Bal.
Unha grande aperta de:
Carta de Fole a Seoane. 1973
Lugo, catorce de setembro do 73
Señor don Luis Seoane. La Coruña
Meu querido amigo:
Souben por unha carta do amigo Piñeiro que habías adiantado o teu viaxe a Bos Aires. Tamén souben que foras homenaxeado na Cruña.
Por sabere o adiantamento do teu viaxe, fun hoxe á librería de Alonso. Habíamos quedado en que se inauguraran as novas estanzas c-unha eisposición de grabados teus, prós días do San Froilán, no cinco do mes de outono.
Mais dixéronme que adiantarían a inauguración de moi grado pró sábado vintedóus de iste mes de setembro. ¿Podrías vir ti cos grabados a Lugo o día vinteún, viernes? Teñen grande intrés en inaugurala cos teus grabados. Ou o mesmo día vintetrés, sábado pol-a mañá.
Mais penso que sería moi procedente a túa presencia o mesmo día da inauguración, sábado, vinte dóus. Prégoche que me respostes á volta de correo, pra dare tempo prá propaganda. Eu pensaba que non te marchabas hastra mediados do mes de outono.
Repito as gracias pol-o tan espléndido regalo do teu cadro, que xa é famoso en Lugo. Todos din que se parece moitísimo ós de Picasso. Boeno. Os meus agarimosos saúdos pra túa dona e unha forte aperta pra tí.
Pronto adicaremos unha Táboa Redonda a pintura galega, na base da Eisposición de Nove Pintores Galegos de fai us anos en Madrid.
Anxel Fole
Carta de Fole a Seoane. 1973
Lugo, 28 de setembro de setenta e tres
Señora doña María F. de Seoane. A Cruña.
Miña estimadísima Maruxa:
Quedeime dunha peza cando lin a túa carta. Doíme moito de ise aicidente. Está visto que hai que contar sempre ca chamada “agresión do ausurdo”. Procuraréi, na vindeira semá de vos facer unha visita. Xa me dirás na túa resposta cándo deixades o sanatorio de Santa Teresa.
Hoxe mesmo faléi cos donos da librería Alonso, os irmaos Alonso, e quedaron de vos escribire hoxe mesmo. Mais a propaganda da Eisposición de Luis debédesma de mandare a min, por mor de
facel-o Catálogo.
Pró domingo sairá no Progreso o anuncio da Eisposición, que os mandaréi o mesmo día.
Penso que o día máis de xeito pra inauguración será o día cinco, día de San Froilán. O domingo seguinte, día sete, o chamado “Domingo das mozas” é o día de Festa Maior das Feiras e Festas do bendito San Froilo.
O Cilistro está ainda en Palma de Mallorca. Cando volte, xa escribirá un artigo sobre o acontecemento. Outro tanto fará Juan Soto cando volte de Madrid, un día calisquer d-istes.
Teño a seguridade que Luis se “recuperará” axiña da creba da perna, e folgareime moito de vere andar pol-o seu pe na túa compaña. E supoño qu-os teus hematomas non terán ningúa importancia, o que se di.
A máis longa aperta prá Lois ias miñas mais agraimosas lembranzas pre ti.
Anxel
Carta de Seoane a Fole. 1973
A Coruña, 30 de setembro de 1973
Sres.
Anxel Fole y Sr. Alonso
Lugo
Estimados amigos:
Fai catro ou cinco días escribín no nome de Luis, que neste intre síntese imposibilitado de podere escribir, unha carta a Fole onde expricaba os motivos de non poder facer a exposición denantes das festas de San Froilán. Hoxe enviamos unha pequena nota que Luis me foi dictando pra se pubricar no catálogo que fagan, e, endemáis, eses catálogos de exposiciós feitas en Buenos Aires das que poden entresacar algúns párrafos que foron entreliñados por Luis, si lles parece ben. Tamén van entreliñados os Museos donde hai obras suas e endemáis unha lista de libros de dibuxos e álbumes pra engadir no catálogo, pois cavilamos que é convenente pra unha primeira mostra que fai nesa cidade. Os grabados salen pra esa mañán ou pasado, xa con marcos. Pregámoslles, téñanos ó tanto de como chegóu todo e de nos enviar algún dos catálogos que fagan. Mandamos tamén a lista con nomes, e, asimesmo os precios correspondentes.
Sen máis, agarimosos saúdos meus e un forte abrazo de Luis:
Maruja F. de Seoane
Falta a nota para se publicar no catálogo, á que fai referencia.
Nesta mesma carpeta hai outra carta nunha segunda folla adxunta (véxase páxina seguinte) e unha terceira folla cun dibuxo, probablemente o retrato de Anxel Fole (véxase, logo despois a seguir).
Querido amigo: [S/D]
Recibín a tua carta con moito retraso, pois estivemos en Asturias pra nos despedir de miña nai e meus irmáns. Mais eso do retraso non foi o peor, senón que vindo de volta cara a Cruña o 19 diste mes, tivemos un percance no automóvil, derrapamos nunha curva da estrada e paramos da outra beira, o caso foi que Maruxa sofríu algúns hematomas na faciana e uns pequenos cortes nun brazo i eu, con mais mala sorte, rompín a perna dreita perto do xionllo e un oso da moneca do mesmo lado que me imposibilita pra andare.
Sinto moito, pois, non asistir pra inauguración da mostra, pois teño pra, polo menos, trinta longos días mais do que levo. Mandámolos grabados à Librería Alonso cando estén listos os marcos e penso estarán ahí pras festas do San Froilán.
Sin mais unha forte aperta e lembranzas de Maruxa:
Carta de Fole a Seoane. 1973
Lugo, doce do mes de Difuntos do ano setenta e tres.
Señor don Luis Seoane. A Cruña.
Meu querido amigo:
Acabo de visitar, por segunda vez, a túa Eisposición de grabados da librería Alonso. Xa tes oito vendidos, catro grandes i-autros tantos pequenos. Alí me dixo a irmá de José María que cecáis viñeses eiquí un día d-istes. Un dos teus grabados foi adequerido pró Museo. Aló está xa.
Supoño que xa haberás chegado ás túas mans o número do domingo do Progreso, ca ampra noticia ilustrada sobor de ti e máis da túa obra.
A túa eisposición é moi visitada, especialmente por rapazas e rapaces estudantes. O autro día estiven na Cruña, na ceremonia académica do recibimento de Marino. O aito resultóu moi ben. Canseime de saudar a moitos amigos de toda Galicia. De volta, ceamos en Betanzos, sin agardar pol-o banquete da Academia. Por iso non poiden dispoñer de tempo pra me achegar á túa casa, como levaba pensado de intento.
Cas miñas agarimosas lembranzas pra Maruxa, unha forte aperta.
Anxel
Estiven en Santiago e faléi con Domingo. Cecáis dispoña de unhas horas pra se achegar a Lugo e visitar a Eisposición.
Anxel Fole
Videos
Escolma de entrevistas a Ánxel Fole realizadas por Margarita Ledo, Carlos Casares e Claudio Rodríguez Fer, publicadas polo Consello da Cultura Galega co gallo da celebración do Día das Letras Galegas de 1997 [53´ 28´´]
Fonte: Vázquez-Monxardín, Afonso (coord.) (1997): Homenaxe a Ánxel Fole. Día das Letras Galegas 1997. Santiago de Compostela: Consello da Cultura Galega. Arquivo Sonoro de Galicia.
http://consellodacultura.gal/publicacion.php?id=1430 [2023-03-21]
Curtametraxe sobre o conto «Os lobos» (Á lús do candil, 1953) [18´ 03´´]
A peza foi realizada polos Centros de Recursos da Provincia de Ourense (Xunta de Galicia) en 1997.
Fonte: canle de Youtube de Anxo Fernández Guerra
https://youtu.be/drIxzqSXefI [2023-03-22]
Curtametraxe de animación sobre o conto «Os difuntos falaban castelao» (Á lús do candil, 1953) [10´ 36´´]
Peza producida por Lúa Films e Algarabía Animación no ano 2000.
Fonte: Algarabía Animación
https://youtu.be/sJ3JYWfNhqg [2023-03-22]
Audios
HOMENAJE A ANXEL FOLE. PRIMERA PARTE
HOMENAJE A ANXEL FOLE. SEGUNDA PARTE (NON COINCIDEN OS DATOS CO AUDIO)
ENTREVISTA A ANXEL FOLE SOBRE LITERATURA
ENTREVISTA A ANXEL FOLE SOBRE VARIAS CUESTIONES
ENTREVISTA A ANXEL FOLE SOBRE SU HOMENAJE
REPORTAJE SOBRE MITOLOGIA
REPORTAJE SOBRE GASTRONOMIA
REPORTAJE SOBRE LA MURALLA DE LUGO
Publicacións periódicas
Nosa Terra, A (1942-1972) .
Periódico galego
Mundo Gallego [1951-52] (1951-1952) .
Revista de Galicia en América
Galicia Emigrante (1954-1959) .
Artigos Ánxel Fole
FOLE, Á. (6/1944) Trebonada na peneda. Acción Gallega. 2ª (11), 2.
Ver narrativa Fonte da dixitalización: Arquivo da Emigración Galega. Consello da Cultura Galega;
FOLE, Á. (6/1944) Huerto concluso. Acción Gallega. 2ª (12), 3.
Ver narrativa Fonte da dixitalización: Arquivo da Emigración Galega. Consello da Cultura Galega;
Libros do ccg sobre Ánxel Fole
Homenaxe a Ánxel Fole.
1997 | Carlos Casares, Entrevista. Afonso Cid González, Locución. Margarita Ledo, Entrevista. Cristina Pujales, Escolma. Claudio Rodríguez Fer, Entrevista. Afonso Vázquez-Monxardín, Coordinación. Bea Pérez, Son.
Día das Letras Galegas 1997
