Xornada

Leopoldo Nóvoa, entre Armenteira e París

  1. Inicio
  2. Eventos
  3. En modo conversa

Xornada. En modo conversa

Leopoldo Nóvoa, entre Armenteira e París

Xoves, 20 de febreiro de 2020, ás 17:30
Santiago de Compostela
Xornada
En modo conversa

Leopoldo Nóvoa, entre Armenteira e París

Xoves, 20 de febreiro de 2020, ás 17:30 Santiago de Compostela
O pasado 17 de decembro de 2019 cumpriuse o cen aniversario do nacemento de Leopoldo Nóvoa (Salcedo, Pontevedra, 1919-París, 2012), un dos grandes referentes da arte abstracta tanto dentro coma fóra de Galicia na segunda metade do século XX.

Artista rigoroso, home reflexivo e profundo, Leopoldo Nóvoa viviu unha longa e prolífica existencia en países e circunstancias moi dispares. Unha vida que vai estar marcada pola viaxe, pola súa condición de emigrante, de nómade que busca acomodo, espazo e lugar onde asentarse. Iso converteuno nun personaxe cosmopolita, de vasta cultura, impregnado da sabedoría que dá o coñecemento da diversidade. Pero nesta condición, Galicia, e máis concretamente Armenteira, a súa casa-obradoiro que constrúe en 1983 e onde pasara desde entón longas tempadas estivais, marcará profundamente a súa pintura. Nesta casa de Armenteira encontrará, despois do dramático incendio do seu obradoiro parisiense, a resposta a moitas interrogantes conceptuais do seu traballo. As cinzas que atopa cada mañá cando limpa a cheminea convértense na base dunha pintura dramática como “é a cinza, porque é algo que foi e se transformou en nada, é esgotamento, do mesmo xeito que a nosa atormentada sociedade…”.

Espazo, materia e luz son os tres elementos dos que sempre se valeu Nóvoa para articular a súa obra, facendo fincapé nas relacións que se establecen entre eles e desposuíndo a obra do superfluo. Sempre quixo que as súas obras servisen para indagar e ir cara ao esencial. Buscar o esencial é case sempre tan amargo como difícil é o camiño que hai que percorrer. Nóvoa percorreuno con total plenitude na súa forma de concibir a arte e a vida.

O Consello da Cultura Galega quere, con esta actividade, render unha homenaxe a este grande artista que foi Leopoldo Nóvoa no cen aniversario do seu nacemento. Un galego da diáspora, sen dúbida un dos nosos artistas máis internacionais.
Programa
Leopoldo Nóvoa, entre Armenteira e París
Programa en PDF
Prensa
20-02-2020

Intelectuais destacan no Consello da Cultura Galega a contemporaneidade do legado de Leopoldo Nóvoa

19-02-2020

A figura de Leopoldo Nóvoa centra unha nova sesión do ciclo "En modo conversa"

Temáticas
Arte
Ficha técnica
Xornada.
En modo conversa
Leopoldo Nóvoa, entre Armenteira e París
Data
Xoves, 20 de febreiro de 2020, ás 17:30
Lugar

Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202 / Fax: 981 957 205

Coordinación
Sofía Santos Pérez
Rosario Sarmiento Escalona
Relator/a
Celestino García Braña
Adolfo Sobrino
Organiza
Consello da Cultura Galega
Sección de Creación e Artes Visuais Contemporáneas (CCG)

Imaxe da portada: Bosco Caride, a partir dunha obra de Leopoldo Nóvoa