Xornada

A industria discográfica en Galicia

  1. Inicio
  2. Eventos

Xornada

A industria discográfica en Galicia

Do vinilo ás plataformas dixitais

9 de xuño de 2022
Santiago de Compostela
Xornada

A industria discográfica en Galicia

Do vinilo ás plataformas dixitais

9 de xuño de 2022 Santiago de Compostela
A industria da música vive un momento crítico a consecuencia do proceso de dixitalización sufrido nas últimas décadas, con importantes cambios nos soportes de gravación e reprodución, no modelo de negocio e no consumo. Os cambios continuos nos formatos, a eclosión de Internet e as novas tendencias de consumo, coa aparición de novas formas de pirataría e a irrupción de plataformas de distribución alleas ao sector tradicional, levaron a industria a unha crise total de vendas, co afundimento de grandes selos discográficos e a modificación da relación entre os creadores e o público cara a un modelo de distribución con novos paradigmas.

Pero non todo foi negativo, a dixitalización trouxo novas oportunidades, de xeito que as redes favoreceron a aparición e o éxito de grupos noveis, aumentaron a música en vivo, cara a un contacto máis directo entre artistas e seguidores, e mesmo a ruptura dos mercados locais para unha maior e máis rápida internacionalización dos produtos, que xa non buscan compradores senón usuarios.

Estes cambios a nivel global teñen unha manifestación particular nos pequenos mercados, como o galego, onde a simplificación e o abaratamento dos procesos de produción musical están dando lugar ao nacemento de novos selos, a fenómenos de autoedición promovidos directamente polos artistas e aos retos de facer visibles na rede os contidos sonoros dunha cultura musical tan rica como a galega.

O Arquivo Sonoro de Galicia do Consello da Cultura Galega reúne nesta xornada pensadores, editores e creadores para facer un diagnóstico da situación e perspectivas de futuro dun sector clave da industria cultural galega.
Programa
A industria discográfica en Galicia
Programa en PDF
Prensa
08-06-2022

A situación da industria discográfica galega ante a dixitalización, a debate nunha xornada

Ficha técnica
Xornada.
A industria discográfica en Galicia
Do vinilo ás plataformas dixitais
Data
9 de xuño de 2022
Lugar

Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202 / Fax: 981 957 205

Coordinación
Xosé Ramón Pousa
Participante
Manuel Alonso
Maritxu Alonso
Alejandro Amoedo
José Carballo
Alfonso Espiño
Fernando Fernández Rego
Segundo Grandío
Jordi Lauren
Santiago Montes
Michel Valiña
Organiza
Arquivo Sonoro de Galicia (CCG)
Consello da Cultura Galega