17:00 horas
Presentación

17:15 horas
Xaquín Marín: viñetas pétreas
Miguelanxo Prado

18:00 horas
Reimundo Patiño: viaxe ao futuro
Antón Patiño

18:45 horas
Mesa redonda
Xaquín Marín
Miguelanxo Prado
Antón Patiño
Modera: Manuel Quintana Martelo

20:00 horas
Clausura da xornada

Miguelanxo Prado é pintor, ilustrador, guionista, ilustrador de prensa, director de animación e, moi principalmente, autor de cómic. Entre os seus libros cabe sinalar títulos como Trazo de xiz (un dos libros máis premiados do cómic contemporáneo), Quotidianía delirante, Ardalén (Premio Nacional, Premio da Crítica Especializada e Premio á mellor obra de autoría española do Salón do Cómic de Barcelona, así como outros premios no Festival de Úbeda e Baeza, Expocómic Madrid ou Zona Cómic, entre outros), Presas fáciles (Premio Festival de Amadora, premios Diario de Avisos ao mellor guión e ao mellor debuxo realista, e Premio Mor Vran en Francia) ou O pacto do letargo (Premio Diario de Avisos e Premio Bandas Desenhadas en Portugal). Recibiu en dúas ocasións o Premio á Mellor Obra Traducida no Festival Internacional de Banda Deseñada de Angoulême (FIDB) e en seis ocasións diferentes premios no Salón do Cómic de Barcelona. Tamén obtivo o Premio da Cultura Galega en 2015. Ilustrou libros de escritores como Laura Esquivel (A lei do amor), Gonzalo Torrente Ballester (El cuento de Sirena) ou Manuel Rivas (Contos de Nadal, A lingua das bolboretas ou Bala perdida).

Antón Patiño participou xunto con Jorge Agra, Carlos X. Berride e Menchu Lamas no Colectivo da Imaxe. Colaborou no deseño dos libros do grupo poético Rompente e participou na revista Loia con Manuel Rivas, Xosé Manuel e Lois Pereiro. É membro fundador de Atlántica. Como pintor realizou exposicións individuais en París, Nova York, Zürich, Ámsterdam, Hamburgo, Estocolmo e Bordeos, así como en todo o ámbito nacional, e participa en feiras internacionais e nacionais de arte a través de numerosas exposicións colectivas. A súa mostra Caosmos (CGAC) recolle unha ampla panorámica das súas creacións. Tamén é autor do cómic experimental Esquizoide e do libro Xeometría líquida. Dedicou libros a Urbano Lugrís (Viaxe ao corazón do océano), Raimundo Patiño, Uxío Novoneyra (Universo Novoneyra) e Lois Pereiro (Radiografía do abismo, Quen corta os fíos do soño?, Dicionario de sombras). Con Xavier Seoane publicou o manifesto Hai suficiente infinito. Ten publicados ensaios sobre teoría da imaxe: Todas las pantallas encendidas, Manifiesto de la mirada, De dónde vienen las imágenes. É tamén autor dos títulos Océano e silencio, Teoría do riso, Mapa ingrávido, Libro dos lugares ou Escritos de un sonámbulo.

Nome *

Primeiro apelido+

Segundo apelido

Enderezo electrónico*

Número de teléfono

DNI*

Enderezo postal

Código postal

Localidade

Centro de traballo

Os campos marcados con * son obrigatorios

Lin é acepto o aviso legal e a política de privacidade do Consello da Cultura Galega para o tratamento de datos de carácter persoal.

Solicitar inscrición
A inscrición é gratuíta. O número de prazas é limitado (100 persoas). As prazas cubriranse por rigorosa orde de inscrición.

Se desexa recibir información sobre novas actividades e eventos organizados polo Consello da Cultura Galega pode subscribirse no BOLETÍN DE NOVIDADES