Licenciado en Filoloxía Galego-Portuguesa pola Universidade de Santiago de Compostela. Imparte docencia no IES Castelao de Vigo. Realizou estudos na Universidade Nova de Lisboa e impartiu docencia na Facultade de Filoloxía da Universidade de Vigo.
Comezou a escribir crítica literaria no ano 1990 e cultiva este xénero de maneira ininterrompida ata a actualidade. No eido institucional, é padroeiro da Fundación Celso Emilio Ferreiro, forma parte da Asociación de Escritoras e Escritores en Lingua Galega, da Asociación Española de Críticos Literarios e da Asociación Galega da Crítica. Presidiu a Sección de Crítica da AELG e forma parte da Asociación Galega da Crítica desde a súa fundación. Tamén é membro da Asociación Española de Críticos Literarios (AECL). Desde o número 250 (2026) pasa a responsabilizarse da sección de recensións "O espello das letras" da revista Grial.
Colabora en diversos medios escritos e audiovisuais e faino semanalmente no suplemento "Fugas" de La Voz de Galicia. O seu blog literario Caderno da crítica leva máis de quince anos de actividade ininterrompida onde deixa constancia do seu traballo crítico e interpretativo.