O Museo de Pontevedra

Descrición No marco da entrevista que fai parte da Colección “As nosas voces”, o polígrafo lembra que “cando fundamos o Museo (de Pontevedra) predominaba o concepto de museo como almacén”. Explica tamén que grazas aos seus estatutos, redactados por un padroado en que estaban, entre outros, “Sánchez Cantón, Castelao, Losada Diéguez… , un grupo de xente moi experta que coñecían o que pasaba polo mundo adiante e sabían que había museos como finalidades didácticas”. O Museo de Pontevedra foi, alén de almacén, un centro investigador e con fin didácticos pioneiro na súa orientación. “Foi o primeiro museo con pedagogos para guiar as visitas escolares, tivo bolseiros, e formou investigadores” apunta Filgueira Valverde.