A 'Asemblea pra ceibar os presos políticos galegos' (ACPG) ten unha publicística ben rechamante e combativa, algo que caracterizou a esta formación. O cartel inclúe referencias ás temáticas da esquerda radical do momento, como a reclamación de amnistía, e mesmo "pola autodeterminación e o socialismo". Inclúe unha composición cunha temática sobre as loitas sindicais urbanas que se estaban a vivir en Vigo a partir de 1978 ao redor dos conflitos ao redor do estaleiro Ascón, un dos focos de confrontación social máis crítico -e con continuidade no tempo- da Galicia da Transición.
Descrición
Chamamento á mobilización polo 25 de xullo, "todos a Santiago" pola defensa da amnistía, a autodeterminación e o socialismo. Deseño: un puño en alto sobre unha estrela vermella, dentro, un home protexido por unha barricada de pneumáticos, lanza un obxecto co seu tirachinas.
