Díptico pola legalización da ANPG. Unha das principais loitas dos partidos nacionalistas subestatais naqueles primeiros anos da Transición foi o proceso de normalización das súas actividades, que implicaba dúas cousas: a legalización como organizacións políticas, algo que no franquismo fora impensable, e a amnistía para os seus membros presos nos anos anteriores, algúns mesmo despois da morte de Franco. Este proceso non foi sinxelo nin exento de polémica e viuse envolto nun contexto en que coexistían con actividade diversos grupos armados revolucionarios de contido nacionalista no territorio do Estado. Non era o mellor para o rumbo do proceso constituínte en marcha. Ademais, a garantía da unidade territorial de España era unha das liñas vermellas do réxime que se estaba a transformar en democracia.
Descrición
Propaganda a favor da legalización da ANPG e solidariedade con outras organizacións vascas. Nas páxinas interiores deseño por viñetas da historia da ANPG, representación das protestas das que tomaron partido (Quiroga, Encrobas, Xove etc.) e denuncia ao "goberno imperialista" e á alianza de autonomistas con caciques. Na parte posterior do panfleto, caricaturas de líderes políticos de partidos legais bailan en círculo debaixo dunha pancarta que reza "Festa da Democracia", mentres outras caricaturas están atadas e amordazadas (EIA, UPG, ANPG e outra indistinguible).
Entidades: Mención:Partido Socialista Galego Mención:Partido Comunista de Galicia Mención:Partido Socialista Obrero Español Mención:Unión del Centro Democrático Mención:Partido Socialista Popular (PSP) Mención:Partido do Traballo de Galicia [PTG] Edición: Asemblea Nacional-Popular Galega [ANPG] Mención:Partido Obreiro Galego [POG] Mención:Euskal Iraultzarako Alderdia [EIA]
