Descrición
Declaración sobre a posición oficial do PTG ao respecto da Autonomía e o Estatuto. Defensa do Estatuto dos 16 e denuncia ás restricións da UCD a través da Comisión dos 9 (ou Estatuto dos 9). Comparativa cos Estatutos catalán e vasco (de Gernika). Denuncia as posicións do PSOE, PCG, POG e PG como defensores dunha autonomía en abstracto e denuncia ao "Bloque" por confrontar a autonomía. Anuncia futuros chamamentos á mobilización na defensa do Estatuto e dun "Frente autonomista". Encabeza o díptico un debuxo de homes e mulleres con bois e un carro que comeza a andar cando a muller tira as cadeas que amarraban o carro. Cada elo das cadeas son logotipos de UCD.