Descrición
Nos estertores do franquismo, a UPG desconfía de calquera cambio político procedente da burguesía (liberalismo ou socialdemocracia) e anima aos traballadores a apostar pola vía revolucionaria para conseguir a soberanía nacional de Galicia. Fíxanse distintos obxectivos que a UPG persegue de cara a acadar a independencia nacional e o socialismo en Galicia: a institucionalización da ANPG coma órgano representativo da vonta do pobo galego, amplas liberdades políticas, institucionalización de sindicatos galegos, liberación dos presos políticos e retorno dos exiliados, disolución das forzas represivas e establecemento de órganos económicos e sociais que servan os intereses dos galegos.