Descrición
Chamamento aos galegos por parte da Intersindical Nacional de Traballadores Galegos para que nas eleccións autonómicas de 1985 dean o seu voto ao Bloque Nacionalista Galego, logo de levar a cabo unha critica do sistema autonómico e das prácticas políticas sinónimas do resto de partidos políticos. Así, é o BNG o que mellor defenderá os intereses dos galegos: salarios dignos, marco galego de relacións laborais, plan galego de emprego, sector público galego, control e investimento do aforro galego, medidas nacionalizadoras e liberación nacional.