Publicación ilustrada editada polo Partido Socialista Popular (PSP) onde se presentan nove razóns para emitir voto no seu favor nos comicios electorais, logo dunha brevísima historia da formación: socialismo novo sen taras históricas nin dependencias internacionais, defensa da ideoloxía socialista en tempos da Ditadura, solucións claras e responsábeis aos problemas da sociedade, socialismo como meta final nun camiño que pasa pola democracia, actitude contraria a corrupcións e influencias, múltiples campos de actuación (defensa da natureza, planificación urbana, condición da muller), imprescindible papel no escenario político español, partido de traballadores e cambio democrático e socialista por medio da vontade da maioría.
