Descrición
A escritora portuguesa Lídia Jorge (Algarve, 1946) foi outra das protagonistas dos faladoiros literarios mensuais que organizaba a Sección de Lingua, Literatura e Industrias da Edición, coordinada por Víctor Freixanes. A autora pronunciou unha conferencia aberta ao público titulada "Para un destinatario ignorado", á que seguiu un faladoiro moderado por José Carlos Quiroga, escritor e profesor de Literatura Portuguesa na Universidade de Santiago.