Descrición
O profesor Carlos Zubillaga, acompañado de Xosé M. Núñez Seixas e Henrique Monteagudo, presentou o libro “Castelao y Uruguay. Etapas de una relación entrañable”, no que explica que Alfonso R. Castelao mantivo unha relación prolongada no tempo coa sociedade uruguaia, a través de amizades e de contactos co colectivo emigrante ou derivados da circulación da súa obra plástica e literaria. Esas relacións explicarían, en parte, a fundación do Consello de Galiza, o 15 de novembro de 1944, no sobrado da Casa de Galicia en Montevideo.