Descrición
Tras a dura vaga de incendios de 2006, o Consello da Cultura Galega e a Fundación Caixa Galicia, a través do seu Centro de Investigación Económica e Financeira (CIEF), realizaron unha serie de debates entre expertos para analizar as causas e implicacións dos incendios forestais co obxectivo de contribuír a definir e consolidar unha nova cultura forestal na nosa sociedade. Deixamos unha das imaxes daquel proxecto, coordinado por Francisco Díaz-Fierros Viqueira, Xesús Balboa López e Xosé Luís Barreiro Rivas, do que tamén xurdiu unha publicación.