Pegatina editada co gallo da Primeira Olimpíada da Mocidade do Concello de Fene (A Coruña), organizadas en decembro de 1977 e nas que participaron unhas seiscentas persoas. A iniciativa, que partiu das distintas entidades sociais locais, adquiriu carácter reivindicativo, chagándose a reclamar instalacións adecuadas para o desenvolvemento de actividades deportivas nas parroquias do municipio. As Olimpíadas deron paso logo ós Xogos Deportivos da Mocidade.
