Pegatina editada pola Unión do Povo Galego (UPG) co gallo de difundir a importancia da figura de Xosé Ramón Reboiras Noia, alcumado Moncho Reboiras. Foi un sindicalista, político da Unión do Povo Galego e opositor á ditadura, así como unha das figuras sociopolíticas máis relevantes da loita antifranquista na Galicia da primeira metade da década dos setenta. O documento alude ao seu asasinato polas forzas de seguridade do réxime, en agosto de 1975.
