Audio. Voz. Conferencia

CCG 40:

David Chipperfield : A complexa relación público privado

.

Descrición:
O reputado arquitecto británico, David Chipperfield, participou na xornada “A cultura do mecenado” que se desenvolveu no Consello da Cultura Galega (CCG) en febreiro de 2020. Nela abordou un relatorio no que afondou na “complexa relación público privado” en calidade de presidente fundador da Fundación RIA. É unha das intervencións que destacamos no marco do proxecto que visibiliza 12 intervencións destes 40 anos da institución.

David Chipperfield explicou a acción da Fundación RIA, que creou en 2017 co obxectivo de contribuír á planificación territorial estratéxica para preservar os valores naturais e culturais. Na súa intervención falou de mecenado e filantropía, que ten dúas vertentes a social e a cultural e que permite conectar xente que quere contribuír co seu capital e proxectos que necesitan ser apoiados. Alertou dos riscos e perigos da filantropía e do mecenado que considera que non é algo que poida cambiar o mundo. Na súa opinión, o esforzo debe estar en repensar o planeamento que considera que é o reto dos nosos tempos, non é exclusivo de Galicia e é o espazo “no que o mecenado non entra”. Explicou que o planeamento implica distribución poboacional, identidade, medio ambiente, tráfico (que cualificou como o maior problema). Tamén aludiu á perdida da identidade como causa dese desleixo que explica algunhas das actuacións urbanísticas.

  • Tipo de material: Audio. Voz. Conferencia
Compartir: