Centenario de Manuel Murguía

Material

Centenario de Manuel Murguía

Nas ás do canto 09: Os teus ollos

Detalle

Letra

Ten a serena o canto
I a serpe o alento;
O lago ten á onda
Dios ten o inferno.

Ti tés d’abondo
C’o que tes escondido
N’eses teus ollos.

O trono d’os monarcas,
D’o sabio os trunfos,
A groria d’o poeta,
O ouro do mundo:

Dera eso todo
Por solo unha mirada
D’eses teus ollos.

Buscan os pitorreises
Pra facer niño,
A herba santa que nace
Beira d’os ríos.

Eu busco sólo
Unha mirada meiga
D’eses teus ollos.

Cando se pon a lua
Tras d’os penedos,
Choran as estreliñas
Todas d’o ceo.

Tamen eu choro
Cando non m’alumean
Eses teus ollos.

---

Letra: Curros Enríquez. Música: José Castro “Chané”

---

Voz: Anna Mélikhova
Piano: Martín Chaves Fraga
Gravación: Pablo Barreiro

---

Os textos reproducidos só unificaron, conforme á actual normativa da RAG, os pares b/v e i/y. En canto á acentuación respectouse a orixinal tendo en conta a musicalidade

Descrición

Ten a serena o canto
I a serpe o alento;
O lago ten á onda
Dios ten o inferno.

Metadatos

• autoría:
  Manuel Curros Enríquez
• composición musical:
  Chané
• Data: 14/12/2023
• Tipo de material: Audio. Voz. Canto