Descrición
En 2019 cumpríronse 60 anos do pasamento de Andrés Gaos, un dos grandes compositores galegos do século pasado, que foi tamén unha homenaxe á súa familia –especialmente ao seu fillo, Andrés Gaos Guillochón–, que honrou a cidade de Santiago e a Universidade de Santiago coa doazón do fondo do seu pai que celosamente ordenou e catalogou ata a súa morte. Un fondo que atesoura un inxente material (partituras, borradores, correspondencia, críticas, programas, fotografías, dedicatorias e dous violíns que Gaos usou). Un deles foi recuperado pola Universidade de Santiago de Compostela en colaboración co Consello da Cultura Galega e que se empregou no concerto que interpretou Florian Vlashi.