Descrición
O catedrático de Filosofía Política Daniel Innerarity foi o encargado de abrir o foro “A identidade galega no mundo da globalización”, unha cita organizada por varias institucións que buscaba afondar no contexto global e recuperar un debate que iniciou a xeración Nós un século antes. Innerarity foi o encargado de pronunciar conferencia inaugural, que tiña como título “Quen somos nós?” e na que afondou nas transformacións sociais e políticas actuais, na necesidade de crear un novo tipo de cidadanía e nas diferentes formas de goberno.