Descrición
“A intimidade da imaxe” é a exposición que revisa a Galicia da Transición a través das fotografías de Anna Turbau (Barcelona, 1949). “É o retorno dunha autora, pero agora como legado documental e fotográfico”, explicou o presidente do CCG, Ramón Villares, durante a súa inauguración no ano 2017. A mostra, comisariada por Margarita Ledo, peneira no arquivo da fotógrafa para exhibir nun centenar de imaxes os conflitos sociais, políticos e humanos cos que a fotógrafa se atopou a finais dos anos setenta.