Descrición
En 2016 a institución acolleu a vixésimo sexta conferencia anual da Asociación de Institucións Europeas de Migración (AEMI). Baixo o título “European migrant diasporas and cultural identities”, o evento reuniu por vez primeira en Galicia a máis de cincuenta representantes de museos da emigración de toda Europa, que durante catro días abordaron cuestións relativas á diáspora migratoria e á identidade cultural.