Descrición
No ano 2016 a institución dedicoulle unha sesión do ciclo “De pioneiras e andainas” á filóloga estadounidense Kathleen March. Os seus traballos de investigación arredor de Manuel María, Carvalho Calero ou Castelao e as súas tradución das obras de Cunqueiro, Rosalía e Otero Pedrayo contribuíron á proxección da literatura galega no ámbito anglosaxón. Afondar nese labor e poñer en valor as súas contribucións foron os obxectivos da xornada “Kathleen March, ler como feminista”.