1ª Expedición: chegada ao porto da Habana da Fragata Villa de Neda o 10 de marzo de 1854 con 315 traballadores
Documento de 14 páxinas manuscritas, numeradas, con sinatura autógrafa e sen cuño. Figuran varias relacións de liquidacións, todas referidas a traballadores da primeira expedición, nas que aparece a súa situación: 103 colonos foron traspasados á Real Junta de Fomento; outros acabaron traballando nas facendas de Francisco Yraola, José Suárez Argudín, coñecido home de negocios de orixe asturiana que fixo fortuna en Cuba, e o conde de Jaruco. Tamén constan os traballadores que morreran (coa data de falecemento), desertaran (con data da fuga) ou rescindiran os seus contratos (só 3); noutra relación aparecen os homes que trasladaron a Trinidad e foron postos a disposición do capitán xeneral de Cuba, co seu contrato rescindido por decreto das Cortes.
Ver documento orixinal
Ver transcrición