A camisa

A camisa

A Camisa foi unha das primeiras obras de realismo social, plantexa as causas da emigración a centroeuropa; escrita polo valdeorrés Lauro Olmo. Foi estreada en Madrid en 1962 no Teatro Goya. Polos 60 anos da súa estrea, o concello do Barco de Valdeorras e o CCG promoven esta versión en podcast da obra A Camisa, realizada a partir da tradución ao galego de Ramón de Valenzuela.

O podcast está dividido en cinco episodios que se publicarán no web e nas principais plataformas de podcasting cada venres a partir do 25 de marzo.

A versión en galego

Lauro Olmo e Ramón de Valenzuela

A versión en galego de A camisa é moito máis ca unha tradución. Foi levada a cabo por Ramón de Valenzuela, destacado membro do exilio galego, que representou a obra en Bos Aires, no Ateneo da Federación de Sociedades Galegas.