O Consello da Cultura Galega (CCG) acolle mañá martes a presentación do libro “Estudos sobre o cambio lingüístico no galego actual”. que compila investigacións desenvolvidas en Galicia desde unha perspectiva multidisciplinar arredor do cambio lingüístico. Na presentación participan Dolores Vilavedra, coordinadora da seccion de Lingua, Literatura e Comunicación do CCG; Ernesto González Seoane, director do Instituto da Lingua Galega (ILG), xunto cos editores da publicación Xosé Luís Regueira e Elisa Fernández Rei. Na rolda ofreceranse detalles da elaboración e significación desta publicación.

Datos da rolda de prensa
Organiza: Consello da Cultura Galega e o Instituto da Lingua Galega (ILG)
Data: martes, 14 de novembro
Lugar: Biblioteca do CCG
Hora: 11:30 horas

Intervirán:
Dolores Vilavedra, membro do plenario e da comisión executiva do Consello da Cultura Galega
Ernesto González Seoane, director do ILG
Xosé Luís Regueira, editor
Elisa Fernández Rei, editor