O 3 de maio, ás 12 horas, Ramón Villares e Xosé López, xunto con Caetano Díaz e Ignacio Carballo, director de Galicia Hoxe e delegado de La Voz de Galicia en Santiago respectivamente, presentaron no salón de actos do CCG a obra Antonio Fraguas. Polas catro témporas. Colaboracións en La Voz de Galicia e O Correo Galego (1992-1999). Con ela homenaxéase a Compostela e, sobre todo, a un intelectual definido por Villares como “pozo de sabedoría popular e culta […], ofrecida xenerosamente aos seus paisanos por un home formado e socializado no Seminario de Estudos Galegos” e dotado dun “gran coñecemento de Compostela”.

Xosé López, coeditor da obra, lembrou a vinculación de Fraguas co CCG, destacou a súa presenza nos medios “para difundir os seus puntos de vista, nomedamente os relacionados coa identidade do país, coa súa lingua, cos seus costumes e coa súa forma de ser”, e louvou o seu compromiso, “marcado pola humildade e a coherencia”.

Ignacio Carballo considerou “memorables” os artigos e Caetano Díaz describiu a súa visión dun “santo laico e milagreiro porque milagrosa é a colaboración de dúas cabeceiras historicamente enfrontadas”. Ramón Villares agradeceu, finalmente, a “excelente disposición das empresas editoras de La Voz de Galicia e de O Correo Galego” para facer posible esta publicación.

Nome *

Primeiro apelido+

Segundo apelido

Enderezo electrónico*

Número de teléfono

DNI*

Enderezo postal

Código postal

Localidade

Centro de traballo

Os campos marcados con * son obrigatorios

Lin é acepto o aviso legal e a política de privacidade do Consello da Cultura Galega para o tratamento de datos de carácter persoal.

Solicitar inscrición


Se desexa recibir información sobre novas actividades e eventos organizados polo Consello da Cultura Galega pode subscribirse no BOLETÍN DE NOVIDADES