Os relatorios dos quince expertos que interviron no III Congreso Luso-Galego de Estudos Xornalísticos, organizado pola Sección de Comunicación do Consello da Cultura Galega en novembro de 2004, conforman o libro que presentou esta institución o 3 de maio de 2007, nunha nova mostra de interese por avanzar nas relacións comunicativas luso-galegas e, nomeadamente, establecer un debate continuado sobre o hipersector da comunicación e os desafíos que presenta para os medios que desenvolven o seu labor ao norte e ao sur do río Miño.

O libro aborda temas que van do uso dos medios no ensino ás confluencias entre xornalismo e literatura ou a calidade na comunicación, desde a actualidade das industrias culturais e a situación do sector audiovisual ás reflexións sobre “a indecisa identidade luso-galega”. As achegas permítennos afondar nas relacións comunicativas ás dúas beiras do mesmo río. Xunto con profesores e investigadores da Facultade de Ciencias da Comunicación da Universidade de Santiago, participaron outros procedentes das universidades portuguesas Fernando Pessoa, Minho, Porto e Tras-os-Montes e Alto Douro. Un discurso plural que ofrece enfoques e propostas intercambiables aquén e alén do río Miño, necesarias para entender os comportamentos e, tamén, as carencias mediáticas.

Nome *

Primeiro apelido+

Segundo apelido

Enderezo electrónico*

Número de teléfono

DNI*

Enderezo postal

Código postal

Localidade

Centro de traballo

Os campos marcados con * son obrigatorios

Lin é acepto o aviso legal e a política de privacidade do Consello da Cultura Galega para o tratamento de datos de carácter persoal.

Solicitar inscrición


Se desexa recibir información sobre novas actividades e eventos organizados polo Consello da Cultura Galega pode subscribirse no BOLETÍN DE NOVIDADES