Presentación - Presentación dun avance do proxecto audiovisual <i>A memoria do teatro galego na Transición</i>. Venres, 21 de xullo de 2023, ás 19 horas

Presentación dun avance do proxecto audiovisual A memoria do teatro galego na Transición

Presentación

Presentación dun avance do proxecto audiovisual A memoria do teatro galego na Transición

O Consello da Cultura Galega na Mostra Internacional de Ribadavia

Venres, 21 de xullo de 2023, ás 19 horas
Ribadavia
Presentación

Presentación dun avance do proxecto audiovisual A memoria do teatro galego na Transición

O Consello da Cultura Galega na Mostra Internacional de Ribadavia

Venres, 21 de xullo de 2023, ás 19 horas Ribadavia
Participan:
Rosario Álvarez, presidenta do Consello da Cultura Galega
César Fernández, alcalde de Ribadavia
Imma António Souto, presidenta da Academia Galega de Teatro
Roberto Pascual, director da MIT
Cristina Domínguez, coordinadora da Sección de Música, Artes Escénicas e Audiovisuais do Consello da Cultura
Tito Asorey, director das dúas primeiras pezas audiovisuais do proxecto

A MIT de Ribadavia acollerá a presentación dun avance do proxecto audiovisual A memoria do teatro galego na Transición que está a realizar o Consello da Cultura Galega en colaboración coa Academia Galega de Teatro ao longo dos anos 2023 e 2024. Trátase dun proxecto de recuperación, a través da memoria dos seus protagonistas e de documentos audiovisuais da época, da actividade teatral en Galicia nos anos setenta e oitenta do século XX, un período de tempo fundamental para a construción da identidade social e cultural da Galicia contemporánea. Esta reconstrución da memoria estase a realizar a partir da recompilación dos feitos e das creacións que podemos considerar fundacionais do teatro profesional galego, por medio de entrevistas rexistradas en audiovisual e coa participación das persoas que foron parte activa do movemento teatral independente. O período que se analiza abrangue desde mediados dos anos sesenta até finais dos oitenta do século XX, abordando nesta primeira fase do proxecto O teatro independente (1965-1978) e A profesionalización. A Mostra de Teatro Abrente de Ribadavia (1973-1980).

Estas dúas primeiras pezas, en actual elaboración, están dirixidas por Tito Asorey, con axudantía de dirección de Sara Rey, fotografía de Jairo Iglesias e Pedro Tizón, montaxe de Jairo Iglesias e Tito Asorey, baixo a coordinación da Sección de Música, Artes Escénicas e Audiovisuais do Consello da Cultura Galega. Nestas gravacións participaron Carlos Alonso, Eduardo Alonso, Rosa Álvarez, Manuel Amenedo, Xerome Calero, José Luis Chao, Manolo Coruxo, María Costas, Luísa Escudero, Manuel Guede, Luma Gómez, Xulio Lago, Miguel Llanderas, Manuel Lourenzo, Luísa Merelas, Francisco Oti, Gonzalo Rodríguez, Xosé Manuel Rabón, Mabel Rivera, Euloxio Ruibal, Antonio Simón, Gonzalo Uriarte, Cándido Pazó, Miguel Pernas, Doro Piñeiro, Laura Ponte, María Xosé Porteiro, Isolina Rionegro. Entrevistados por Tito Asorey, Inma López Silva, Roberto Pascual, Melania Cruz, Vanesa Sotelo, Roi Vidal Ponte e Dolores Vilavedra.
Ficha técnica 
Presentación
Presentación dun avance do proxecto audiovisual A memoria do teatro galego na Transición
O Consello da Cultura Galega na Mostra Internacional de Ribadavia
Cando
Venres, 21 de xullo de 2023, ás 19 horas
Onde
Ribadavia
Lugar

Museo Etnolóxico de Ribadavia
Rúa Santiago, 16,
32400 Ribadavia,
Ourense