Encontro - Que facer cos xacementos perecedoiros da Prehistoria en Galicia. EMPC#43 | 12 de marzo de 2024
Encontro

Que facer cos xacementos perecedoiros da Prehistoria en Galicia

  1. Inicio
  2. Eventos
  3. Encontros Monográficos co Patrimonio Cultural
  4. Encontro

Encontros Monográficos co Patrimonio Cultural Encontro

Que facer cos xacementos perecedoiros da Prehistoria en Galicia

Visibilizar o invisible

EMPC#43 | 12 de marzo de 2024
Santiago de Compostela
Encontro
Encontros Monográficos co Patrimonio Cultural

Que facer cos xacementos perecedoiros da Prehistoria en Galicia

Visibilizar o invisible

EMPC#43 | 12 de marzo de 2024 Santiago de Compostela
Os Encontros Monográficos co Patrimonio Cultural (EMPC) son unha iniciativa levada a cabo pola Sección de Patrimonio e Bens Culturais do Consello da Cultura Galega (CCG) que comezou en novembro de 2015. Teñen como obxectivo xerar un espazo de difusión, debate, encontro e coñecemento arredor de diferentes proxectos que afectan ao patrimonio cultural, en xeral, e que moitas veces non chegan a un público amplo por diferentes motivos. Os protagonistas dos encontros son a sociedade, o elemento patrimonial, o debate e a reflexión. Ata o de agora centráronse en proxectos de arqueoloxía, rehabilitación, arquitectura ou historia da arte —mesmo con enfoques interdisciplinarios—, pero tamén na xestión patrimonial, na divulgación do patrimonio, na participación cidadá e incluso no conflito patrimonial. Tamén se centraron en patrimonios esquecidos e vivos, materiais e inmateriais, amigables ou conflitivos, nas políticas patrimoniais, e nos encontros e des-encontros.

Este EMPC céntrase nunha problemática importante que afecta a un patrimonio de difícil recoñecemento, mais imprescindible para comprender a Prehistoria na nosa comunidade. Nas últimas décadas produciuse un considerable aumento na descuberta e identificación dunha serie de xacementos que non resultan facilmente recoñecibles. No contexto de grandes obras públicas ou privadas, e da man do avance nas técnicas de teledetección e a súa democratización (fotografía aérea, de satélite, LiDAR, prospeccións xeomagnéticas…), teñen saído á luz o que denominamos «xacementos invisibles» porque as súas características non permiten a súa identificación a simple vista ou esta require unha ollada experta, ou porque a cultura material que os acompaña é moi pobre e apenas se detecta en superficie. Aínda que algúns destes xacementos se adscriben á Protohistoria, á época romana ou á posclásica, moitos deles encádranse na Prehistoria recente. Xunto con importantes xacementos como as rodas do Bronce Final, están renovando o noso coñecemento sobre este período. Non obstante, os xacementos invisibles, polo seu contexto de aparición, a súa fraxilidade ou a súa problemática na conservación, requiren unha reflexión sobre que podemos e deberiamos facer con eles dende o punto de vista metodolóxico, da investigación ou da protección e salvagarda. O obxectivo do #43 EMPC é debater arredor destas cuestións.
Programa
#43. Visibilizar o invisible.
Programa en PDF
Prensa
11-03-2024

A nova sesión dos Encontros Monográficos co Patrimonio Cultural analiza os xacementos invisibles da Prehistoria

Temáticas
Patrimonio
Ficha técnica 
Encontro
Encontros Monográficos co Patrimonio Cultural
Que facer cos xacementos perecedoiros da Prehistoria en Galicia
Visibilizar o invisible
Cando
EMPC#43 | 12 de marzo de 2024
Onde
Santiago de Compostela
Lugar

Consello da Cultura Galega
Pazo de Raxoi, 2º andar
Praza do Obradoiro, s/n 15705
Santiago de Compostela
Tel.: 981 957 202 / Fax.: 981 957 205

Coordinación
Rosa Benavides
Rebeca Blanco-Rotea
Relator/a
María Martín Seijo
Antonio Martínez Cortizas
César Parcero-Oubiña
Roberto Carlos Pena Puentes
Pilar Prieto Martínez
Organiza
Consello da Cultura Galega
Sección de Patrimonio e Bens Culturais (CCG)

Imaxe: Carballeira do Espírito Santo (Chapa, Silleda), finais da Idade de Bronce. [Corrección do Impacto Arqueolóxico da Autopista Santiago-Alto de Santo Domingo (Ref. 2001-CE049)]