Encontro - XXVI ENCONTROS PARA A NORMALIZACIÓN LINGÜÍSTICA. 15 de outubro de 2024
Encontro

XXVI ENCONTROS PARA A NORMALIZACIÓN LINGÜÍSTICA

  1. Inicio
  2. Eventos
  3. Encontros para a normalización
  4. Encontro

Encontros para a normalización Encontro

XXVI ENCONTROS PARA A NORMALIZACIÓN LINGÜÍSTICA

Vivir e perdurar na nosa lingua

15 de outubro de 2024
Santiago de Compostela
Encontro
Encontros para a normalización

XXVI ENCONTROS PARA A NORMALIZACIÓN LINGÜÍSTICA

Vivir e perdurar na nosa lingua

15 de outubro de 2024 Santiago de Compostela


“Aquí están os nosos ósos esperando polos vosos”, di o epitafio gravado en pedra na lápida que cobre unha sepultura do cemiterio de Sofán, en Carballo; esa é tamén a advertencia que figura na entrada do camposanto de Trobo, en Begonte. Máis ca polo fondo –a evidencia de que somos mortais–, o enunciado é rechamante pola forma: amosa a reversión do cambio de idioma imposto e feito costume nas comunicacións relacionadas coa morte. Durante cinco séculos, entre o final da Idade Media e o comezo do XXI, os cemiterios dos territorios de cultura galega foron campos vedados para a expresión escrita da lingua común ás persoas defuntas e ás súas familias. Nin rastro de certas palabras, feitas tabú nese contexto: nin “fillos”, nin “netos”, nin “xenros”, nin “noras”...

Mais esta situación anómala está a mudar. Se antes do ano 2000 era difícil visualizar palabras galegas na fitas de ramos ou coroas, nas mensaxes de pésame, nas necrolóxicas ou nas campas, nos últimos anos a estabilidade lingüística vai gañando terreo. De ser raro localizar un camposanto en que houbese un epitafio confirmando o rumbo certo cara ás mil primaveras máis, pasouse a seren excepcionais os lugares en que aínda non deu entrado, mesmo que sexa en pequenas doses, o galego escrito.

Como xa vén sendo tradición, o Consello da Cultura Galega convoca no outono os Encontros para a Normalización Lingüística como un espazo de diálogo, información, reflexión e proposición. Facémolo baixo o lema Vivir e perdurar na nosa lingua e, á vista de que o cambio social está acompañado dunha mudanza cultural significativa, promovemos o diálogo entre diferentes axentes sociais. Convidamos a reflexionar sobre a importancia da lingua escollida para os actos funerarios, coa presentación dunha visión panorámica das porcentaxes de uso neste primeiro cuarto do século XXI. Na primeira das mesas pretendemos mostrar como son os rituais funerarios nas cerimonias civís e nas habituais das confesións relixiosas maioritarias. No comezo da tarde, reuniremos diversos axentes que prestan servizos funerarios que mostrarán de que recursos dispoñen as empresas para atenderen a demanda de servizos en galego. O programa de relatorios finaliza cunha mesa de traballo na que se exporán iniciativas dinamizadoras presentadas por entidades públicas e privadas.

Despois das exposicións, a xornada remata cun relatorio de campo: en camiñada polas culturas da morte no escenario urbano compostelán, conducidos por Manuel Gago.

Esta peza audiovisual compila epitafios e mandas testamentarias recollidos de fontes históricas, literarias, redes sociais e proxectos dinamizadores. De maneira especial, de En galego, agora e sempre, da Asociación de Funcionarios para a Normalización Lingüística de Galicia.
Programa
Vivir e perdurar na nosa lingua
Programa en PDF
Recursos dinamizadores
Documento en PDF
CURRÍCULOS
Documento en PDF
CONCLUSIÓNS - XXVI ENCONTROS PARA A NORMALIZACIÓN LINGÜÍSTICA
Documento en PDF
Prensa
11-11-2024

As conclusións dos XXVI Encontros para a Normalización Lingüística destacan o incremento do galego nas exequias

15-10-2024

Os XXVI Encontros para a normalización lingüística apuntan que o galego é minoritario nas exequias

12-10-2024

Os XXVI Encontros para a Normalización Lingüística abordan a lingua nos ritos funerarios

Temáticas
Lingua
Ficha técnica 
Encontro
Encontros para a normalización
XXVI ENCONTROS PARA A NORMALIZACIÓN LINGÜÍSTICA
Vivir e perdurar na nosa lingua
Cando
15 de outubro de 2024
Onde
Santiago de Compostela
Lugar

Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202

Coordinación
Rosario Álvarez Blanco
David Cobas Medín
Mónica Fernández Valencia
Ana Iglesias Álvarez
Manuel Maseda Deán
Susana Mayo Redondo
Bernardo Penabade Rei
Bieito Silva Valdivia
Anxos Sobriño Pérez
Marta Souto González
Xaime Varela Sieiro
Organiza
Centro de Documentación Sociolingüística de Galicia (CCG)
Consello da Cultura Galega
Colabora
Secretaría Xeral da Lingua

Imaxe da portada: Sartego na Pedra do Home (Val do Dubra). Fotomontaxe